Càr Dăk Lăk geh git nđờ rơbô li dà kơphe ờ sa priă rơcang drơng làng bol mờ cau năc in hùc di tàm ngai 10 nhai 3
Thứ bảy, 08:07, 09/03/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Tus tŭ do, rơlao 400 mpồl lơh sa kă bro dan cih măt dờp bal broă lơh drơng li dà kơphe ờ sa priă di tơnkah 49 nam Ngai tam lơh jai pha Buôn Ma Thuột (10/3/1975-10/3/2024).
Kờp dŭ geh git nđờ rơbô li dà kơphe ờ sa priă nàng ưn ngài làng bol mờ cau năc tŭ tus ƀòn dờng Buôn Ma Thuột, càr Dăk Lăk di tàm dơ̆ do.
Jăt ồng Trần Đức Nhật, Phó Củ tịc UɃÑZ ƀòn dờng Buôn Ma Thuột, càr Dăk Lăk đơs, tơnơ̆ mờ cồng nha neh lơh geh bơh broă lơh hùc dà kơphe ờ sa priă tàm dơ̆ Lơh chờ kơphe Buôn Ma Thuột dơ̆ 8, nam 2023, ƀòn dờng neh tơlik kơrnoăt rơwah ngai 10 nhai 3 pah nam nàng lơh jăt broă lơh hùc dà kơphe ờ sa priă. Nam do, broă lơh do geh bơyai lơh tàm 3 tiah là Drà @ Buôn Ma Thuột, Ƀlàng dờng ngai 10 nhai 3 mờ Gùng sră Buôn Ma Thuột, tàm 2 ngai bơh ngai 9 tus ngai 10 nhai 3. Bơdìh hơ̆ tai, ƀòn dờng kung geh bơyai lơh drơng broă hùc dà kơphe ờ sa priă tàm ală sơnah ƀòn, xã tàm 1 ngai, ngai 10 nhai 3.
Viết bình luận