Duh kah Bơtau Hùng- Lơh chờ Hìu duh khuai Bơtau Hùng mờ Tơngleh Niam chài Lòt nhơl Ù tiah yau nam Giáp Thìn 2024 bơh càr Phú Thọ dê bơyai lơh nàng kờñ jờng rơ bơhiàn kờñ gơboh dà lơgar, lơh tơngah wơl bơhiàn “Hùc dà kah tô dà” mờ bơta pràn tam klăc dờng jơi bơtiàn kah hờ ù tiah mò pàng yau, kah rơngal dà kơlhề mò pàng yau; prăp gàr mờ ngui niam bơta kwơ phan lời wơl niam chài gơ jăt bal mờ bơtàu tơnguh lòt nhơl tàm ƀòn lơgar Ù tiah yau.
Lơh chờ nam do geh uă broă lơh mblàng yal, yal tơngĭt, ràng tơlik phan lời wơl niam chài Việt Nam, geh 2 bơnah tờm là bơnah lơh chờ mờ bơnah pơrjum lơh yàng. Tàm dơ̆ do, tàm Tiah Tềl lời wơl kah yau Hìu duh khuai Bơtau Hùng geh lơh uă broă lơh pơrjum lơh yàng ờs mờng bơh yau, bè: Dơ̆ lơh yàng chu ñàng kah kơlôi ală Bơtau Hùng mờ Lơh yàng pơdơng bơkàu tàm Rùp trah mòn “Wa Hồ boh bơr mờ kwang bàng, cau ling Mpồl ling dờng lam lài”; Lơh yàng duh kah Bàp bơh chờm dà lơgar dê Lạc Long Quân; lơh yàng chu ñàng Mè bơh chờm dà lơgar dê Âu Cơ mờ ală dơ̆ lơh yàng chu ñàng bơh ală kơnhoàl, ƀòn dờng, thị xã tàm Hìu duh khuai Bơtau Hùng dê; Bơdìh hơ̆ tai, geh ală broă lơh niam chài làng bol ờs mờng bơh yau, ală broă lơh niam chài, đơs crih tam ya….
Viết bình luận