Bơh ngai 29 nhai 12 jăt tơngai he dê tus ngai 5 Satếp, ƀòn dờng Dà Làc hòi jà geh 238 rơbô nă cau năc tus nhơl sền, ơm rơlô să, gơguh mờr 62% pơn drờm mờ tŭ do nam 2023.

Tàm khà do, geh 18 rơbô nă cau nă tus bơh dunia, gơguh 114% mờ mờr 180 rơbô nă cau năc ơm mang. Cau năc gơguh uă tàm 3 ngai bơh ngai 3, 4 mờ 5 satềp lơh uă hìu kă bro phan sa dà hùc tàm tiah tàm gùl ƀòn dờng Dà Làc gơtìp tàm bơta gar ir cau tàm tŭ sào sa. Nàng ờ lời gơtìp kòl gùng bè ală nam lài, Kwang àng ƀòn dờng Dà Làc neh hòi jà 100% khà ling tơrgùng tam pà gùng lòt, tam cah gùng lòt, bơto sồr lòt tàm gùng. Jăt Kwang àng ƀòn dờng Dà Làc yal, bal mờ broă sơndră mờ kòl gùng lòt, broă lùp sền, sền gròi mờ lơh glài ală cau gơtìp tìs bè angkôl, ntoăt jờl, sơrlèt ờ di pal geh mpồl lơh broă tơnguh sền gròi.