Tàm broă lơh sơnrờp geh bơyai lơh, năc lòt nhơl mờ làng bol geh sền ală dơ̆ ràng tơlik jơnau cing lơngô, cing gle pơgồp bal mờ tam ya xoang mờ jà ñô tơrnờm bơh ală mpồl cau chài mờ kơnòm dềt 2 ƀòn Kmrơng Prong A, xã Ea Tu mờ Alê A, sơnah ƀòn Ea Tam dê bơyai lơh.

Di dơ̆ do, Mpồl cau cih jơnau đơs crih tam ya càr Dăk Lăk mờ Ủy ƀan Ñân zân ƀòn dờng Buôn Ma Thuột kung pơgồp bal bơyai lơh dơ̆ ràng tơlik rùp niam mờ sră cih mờ tê gờm chờ nam pa Giáp Thìn. Mờ 80 rùp hin niam ngan geh sac rơwah bơh ală rùp hin niam ngan rlau jơh tàm ală dơ̆ pơrlòng rùp dê bè ƀòn dờng Buôn Ma Thuột, ràng tơlik pơgồp bal mờ ală hìu lơh mờ ja mờ bơta chài cih mờ tê tàm plai lơ u, ơn tàm ƀlàng tàm tiah drà bơkào, tờm chi lơh niam bơh yau tàm Ƀlàng dờng 10/3 dê.