Ồng Trần Đức Nhật, Phó Củ tịc UɃÑZ ƀòn dờng Buôn Ma Thuột, càr Dăk Lăk pà git, di tơnkah 49 nam ngai tam lơh jai pha Buôn Ma Thuột, tơnklàs càr Dăk Lăk (10/3/1975-10/3/2024) ƀòn dờng Buôn Ma Thuột geh lơh broă hùc dà kơphe ờ sa priă tàm ƀòn dờng Buôn Ma Thuột.

Jăt mờ hơ̆, broă hùc dà kơphe ờ sa priă geh bơyai lơh tàm Drà @ Buôn Ma Thuột, Ƀlàng dờng ngai 10 nhai 3 mờ Gùng sră Buôn Ma Thuột tàm 2 ngai, ngai 9 mờ ngai 10 nhai 3 nam 2024. Bơdìh hơ̆ tai, gơnoar atbồ ƀòn dờng kung lơh jăt broă hùc dà kơphe ờ sa priă tàm ală sơnah ƀòn, xã ờ uă ngan tàm 1 ngai (10/3/2024). Tus tàm tŭ do neh geh rơlao 400 hìu tăc dà kơphe tàm ƀòn dờng Buôn Ma Thuột dan tus bal broă lơh do. Khà măt, anih ală hìu tăc dà kơphe drơng hùc dà kơphe ờ sa priă geh yal uă tàm ală anih yal tơngit mờ tàm internet.