Tàm 5 nam do, Mpồl tam klac bal Lòt nhơl càr Dăk Lăk neh pơgồp bal pờ uă ơdŭ bơto pơlam ai git nđờ rhiăng dơ̆ cau bơsram in, pơgồp bơnah tơnguh bơta niam cau lơh broă gah lòt nhơl. Ai cau tàm mpồl lòt sền, bơsram mờng chài, broă lơh lòt nhơl mpồl bơtiàn mờ broă drơng ala homestay tàm ală càr, ƀòn dờng, dong kờl ală cau tàm mpồl in tus bal ală drà, ală dơ̆ ràng tơlik; ai ală mpồl lơh sa kă bro geh jơng tàm mpồl lòt Farmtrip, lòt sền, lơh bal, kĭ sră ring bal lơh broă bal bè lòt nhơl.
Tàm tơngai lơh broă pa, broă lơh bơh Mpồl tam klac Lòt nhơl càr Dăk Lăk dê tơrgùm tàm broă lơh kơ̆ kơljap tàm dơlam is mpồl, tơnguh tai khà cau tàm mpồl, hòi jà ală bơnah priă bơcri nàng lam lơh niam rlau tai ală broă lơh. Bal mờ hơ̆, Mpồl tam klac kung sơlơ tơnguh tai ală broă lơh bal, tam klac bal ală tiah, lơh gơlik ală bơta kuơ jŏ jòng tàm bơtàu tơnguh lòt nhơl tàm càr.
Viết bình luận