Jăt kwang bàng đơng lam bồ càr Dăk Lăk dê yal, tàm nam do òr, bulah tìp uă kal ke bơta lòng mơya càr kung gam pơn jăt tai gàr sùm bơtàu tơnguh lơh sa- mpồl bơtiàn; tơrgùm jơh bơta pràn mờ lơh mhar tŭ tơngai lam lơh ală Broă lơh jơnau kờñ dà lơgar dê mờ ală rơndăp broă lơh bơcri priă dà lơgar dê. Ală gah broă: lơh sơnơm, niam chài, tàp pràn să jan, lòt nhơl, jak chài, măy mok, yal tơngĭt jơnau, bơto bơtê lơh geh uă cồng nha niam ngan.

Tàm cồng nha lơh geh bal hơ̆ geh bơta tă pơgồp kwơmàng bơh ală mpồl cau geh bồ tơngoh jak, cau cih sră, cau đơs crih tam ya mờ cau lơh ƀăo tàm càr dê. Nam 2024 là nam lơh gơlik bơta pràn tam gơl mhar, tơnguh mhar lơh jăt geh cồng nha ală jơnau kờñ broă jàu, kơnòl broă bơh jơh tơngai lơh broă Pơrjum dờng Đảng ƀộ dê, kwang đơng lam bồ càr Dăk Lăk kơ̆p kờñ jơh ală mpồl cau geh bồ tơngoh jak, cau cih sră, cau đơs crih tam ya mờ cau lơh ƀăo tàm càr pơn jăt tai tă pơgồp uă lau tai tàm tơl gah broă lơh nàng pơgồp bơnah bơ̆t bơtàu Dăk Lăk pas sơm niam bơnĕ, jak niam mờ rài kis niam chài is.