Jat broă rơndăp broă lơh bơh Tỉñ ủy càr Dăk Lăk dê, càr rơ̆p bơyai lơh tơngkah kir sơnrai 120 nam Ngai crơng gơs tàm ngai 22/11 nam do. Broă lơh tờm, geh: broă lơh đơs crih tam ya gờm chờ mờ dơ̆ ràng tơlik cuh phăo bơkào lơyah. Bal mờ hơ̆ là dơ̆ cribơyai jak chài “Dăk Lăk- 120 nam crơng gơs mờ bơtàu tơnguh”, Ràng tơlik bàr pe cồng nha lơh sa- mpồl bơtiàn; drà ràng tơlik kă bro phan bơkah niam mờ yal tơngĭt phan bơna OCOP; broă lơh dơ̆ lơh chờ bơka pơgơl să jan mờ tơngume “Dăk Lăk, Ngăc ngar- Bơceh lơh mờ Mŭt gơrờm bal”, ală dơ̆ pơrlòng rùp niam chài mờ dơ̆ pơrlòng tàm internet jòi gĭt kah yau 120 nam crơng gơs, bơtàu tơnguh càr Dăk Lăk. Ală broă lơh geh bơyai lơh bơh nhai 3 do mờ tơrgùm uă ngan tàm 3 nhai lồi nam 2024.

Tàm dơ̆ pơrjum kwang đơng lam bồ Ủy ƀan Ñân zân càr Dăk Lăk sồr ală mpồl lơh broă mhar lam lơh ală tơngume jat broă rơndăp lơh; mơkung dan cih mat tus bal broă lơh, broă lơh bơt bơtàu, bơnah broă pơn rơ ngan; lơh broă lơh đơs crih tam ya lơh geh bơta kwơ màng, tơngume, broă lơh di pal.