Broă lơh gùng đơs crih kuơmàng do tơrgùm rlau 100 nă cau chài mờ 17 dơ̆ bơyai lơh rơp jŏ jòng tus jơh ngai 17/3 do. Dơ̆ lơh chờ gùng đơs crih yau bơh Kông ty kổ phần lơh chờ Việt Nam bơyai lơh nàng kờñ lơh jat broă lơh Dà Làc cih mat tàm mpồl ală ƀòn dờng bơceh lơh bơh UNESCO dê tàm gah gùng đơs crih. Broă lơh geh lơh tàm 4 anih tàm Dà Làc nàng ală cau kờñ đơs crih tamya, gùng đơs crih yau mờ nac lòt nhơl gơtùi tus sền gùng đơs crih.
Sơn đờm ai ròt ală broă lơh gùng đơs crih bơh dơ̆ lơh chờ dê in, drim ngai 10/3, broă lơh nhơl bơrlŭ bal gùng đơs crih bơh rơkèl lơngô geh lơh tàm Gùng niam chài đơs crih tamya sơn rờp tàm ƀòn dờng bơnơm Dà Làc neh gơ hòi gơ jà gal ngan làng bol tus sền, pơn jờng. Uă jơnau nhơl gùng đơs crih neh dong cau sền git bè gùng đơs crih yau bơh bơta sền sơ wì pa ngan, geh bơta pơgồp bal bơh bơta kuơ niam chài đơs crih tamya bơh yau mờ lơh tơrlòng lài ù tiah bơyai lơh krơi is.
Viết bình luận