Tàm nùs nhơm ki ngàm ngan, ală broă lơh: chu ñàng, lòt rò tơrnùng mờ sơnđờm ngui ƀang kì neh geh bơyai lơh mờ gơtha răc dan ai làng bol in lơngăp lơngai, Dà lơgar geh ring lơngai at bồ sơlơ bơtàu tơnguh mờ bơto bơtê bơhiàn “hùc dà kah tô dà”, jờng rơ rài Bơtau Trần – dùl rài tiơng pơn rơ ngan tàm kah yau jơi bơtiàn dê. Dơ̆ lơh chờ sơnđờm ngui Ƀăng kị khi là dùl bơhiàn niam chài cèng bơta niam bơnĕ niam chài nàng Bơtau in duh khoai Trồ tiah, Ù tiah, ồng pàng, tơngŏ nùs nhơm ki ngàm gĭt ưn ngài uă ngan dà ia, ồng pàng bơt bơtàu dà lơgar mờ sền gàr Dà lơgar.

4 akhar cih tàm Ƀăng kị dê là “ lơh geh uă bơta niam uă ngan rlau jơh” mờ bơtau Trần ai oh kòn kòn sau in là kơ̆p kờñ jơh gùt làng bol lơh uă bơta niam nùs nhơm, bơt bơtê rhiang jơi nòi in prap gàr bơhiàn, kơrnoat pal jat, nùs nhơm niam, pal lơh uă bơta niam ai gơ in niam ngan, tơl làm ngan den tơnơ̆ do dờp hơ̆ sồng kơ̆ kơl jăp. Dơ̆ chu ñàng ală bơtau Trần geh bơyai lơh tàm Hìu duh khoai Thiên Trường bơh Ủy ƀan Ñân zân ƀòn dờng Nam Định dê drơng lơh. Tơnơ̆ hơ̆ là dơ̆ lòt rò tơrnùng, sơnđờm bơh ƀlàng hìu duh khoai Cố Trạch lòt gan tus mpồng tờm hìu duh khoai Thiên Trường.