Jăt mờ hơ̆, Dơ̆ lơh chờ Bơkàu Ban Điện Biên nam 2024 geh lơh gơ jăt bal mờ sơnđờm mŭt lơh Nam Lòt nhơl Dà lơgar- Điện Biên mờ tơngume “Rê hờ ƀòn Bơkàu Ban”.

Do là broă lơh nàng kờñ yal tơngĭt lòt nhơl lơgar Việt Nam dê đơs bal mờ càr Điện Biên dê đơs is, pơgồp bơnah lơh jăt jơnau kờñ bơ̆t bơtàu Điện Biên gơ gơs là anih tus lòt nhơl lơh gơkờñ ngan cau bơh tiah dòr bơnơm đah tô dà lơgar dê tàm nam 2025. Mơkung là broă lơh geh kwơ ngan chờ hờp wă rò tơngkah kir sơnrai 70 nam Ngai Tam lơh pha lin Điện Biên Phủ (07/05/1954- 07/05/2024). Jăt Mpồl bơyai lơh yal, broă lơh rơ̆p geh rơndăp lơh bal mờ bơta niam đơs crih tam ya uă, tơngŏ ală bơta kwơ niam chài phan bơna, ờ di mờ phan bơna mờ phan bơna lòt nhơl niam bơnĕ is ngan bơh kơnhoàl ù tiah, kòn bơnus Điện Biên- Tây Bắc dê.