Càr Lâm Đồng gam jal mhar rơcang, pờ ơnàng ù tiah bơkàu mờ bơyai lơh ală broă lơh niam chài, đơs crih tamya. Lơh jat Festival, tus tŭ do, rlau 70 sàh, sơnah ƀòn càr Lâm Đồng dê neh lam lơh broă lơh dờng “Tơl nă cau tam bơkàu, tơl hìu tam bơkàu, tờm chi tơlir gờm chờ Festival Bơkàu Dà Làc dơ̆ 11 nam 2026”. Is ồn ală sơnah ƀòn tiah tàm gùl Dà Làc gam lam lơh uă gơl gùng bơkàu, broă lơh bơka, pơgồp bơnah lơh gơlik muh mat tơlir, sàng goh, niam bơnĕ ai tiah drà lòt nhơl Dà Làc in. Festival Bơkàu Dà Làc nam 2026 kung lam lơh uă jơnau bơceh lơh pa, bè pơgồp bal bơkàu mờ gùng đơs crih bơh ală broă lơh, broă bơyai lơh: “Rùp rài bơkàu”, “Bơta tàm bơrlŭ bal bơkàu Dà Làc”, “Gùng đơs crih mờ bơkàu”.

Ồng Đinh Văn Tuấn, Phó Chủ tịch Anih duh broă Làng bol càr Lâm Đồng pà git, broă pờ ơnàng ù tiah bơyai lơh, sơlơ tơnguh tai bơta tus bal bơh mpồl bơtiàn dê geh kơp kơnờm rơp lơh gơlik tai bơta gơ rề ai Festival nam do in.