Festival Dà lềng Khánh Hòa nam tus kờp dŭ cèng geh tơngume bal là “4 kàl tàm tơrbŏ bal- Wil tơl dùl bơta pin dờn”. Tơl kàl bơh festival dê den geh pơlam gùng dà jat tơngume is: “Nam pa wă cồng nha dà lềng”; Dà lềng hòi kàl rơlô bơkang chờ”; “Kàl hàm plai lơngồt” mờ “Kàl mrềt ram rài tơnơ̆”. Tơl kàl, càr kờp dŭ rơwah dùl dơ̆ lơh chờ halà broă lơh pơn rơ ngan lơh bơta tờm.

Broă bơyai lơh festibal dà lềng sùm 4 kàl geh kơ̆p kơnờm ờ mìng lơh geh bơta gơ hòi gơ jà ai lòt nhơl in lơm mờ gam pờ ơnàng ù tiah yal tơngĭt uă ală bơta kwơ niam chài, ù tiah hàng niam, phan bơna ală tiah dê; pơn jờng mpồl lơh sa kă bro mờ mpồl tus bal bơceh lơh phan bơna, drơng broă niam chài pơgồp bal mờ lòt nhơl. Nam do, Festival Dà lềng Khánh Hoà bơyai lơh nhai 7 pa do gơ hòi gơ jà mờr 800 rơbô dơ̆ năc, priă lơh geh bơh lòt nhơl kờp dŭ lơh geh rlau 1 rơbô 300 tơmàn đong.