Bơta pal đơs là, lài do ƀòn Đăk Đe kung neh geh Hìu rông lơh anih pơrjum ƀòn, mơya geh lơh jat jơnau bơceh lơh rài pa mờ uă ngan ală phan lơh hìu là phan pa, tàm tŭ hơ̆ Hìu rông mờ làng bol pa lơh wơl geh lơh jat di mờ bơhiàn bơh yau cau Sơdàng sơnĕ Hà Lăng dê.
Geh lơh tàm tơngai rlau 2 nhai, Hìu rông ƀòn Đăk Đe jơnhua mờr 13 thơk, jòng 9 thơk 4 mờ ơnàng 5 thơk. Nàng lơh wơl gơtùi Hìu rông, làng bol tàm ƀòn geh dong kờl mờr 100 tơlak đông bơh Rơndap broă sồ 6, Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn dồ êt nă cau mờ tiah kơh bơnơm bơh Ƀảo tàng – Thư viện càr Kon Tum lam lơh. Bơdìh hơ̆ tai, tơl hìu bơnhă làng bol ƀòn Đăk Đe gam tă pơgồp is bơh 200 rbô đông rlau hơ đang mờ bơta dong kờl bơh gơnoar atbồ, mpồl cau, mpồl bal lơh broă tàm do. Kờp jơh priă tă nàng lơh wơl Hìu rông rlau 150 tơlak đông mờ git nđờ rhiang ngai dong lơh hìu.
Viết bình luận