Ủy ƀan Ñân zân ƀòn dờng Gia Nghĩa, càr Dăk Nông bơyai lơh pơrlòng plung ờs mờng tàm tơnau dà tiah tờm ƀòn dờng, mờ bơta tus bal bơh 8 mpồl pơrlòng cau klau, cau ùr dê. Do là dơ̆ pơrlòng gơ ơm tàm ală broă lơh chờ gờm tơngkah kir sơnrai 49 nam Ngai tơngklàs ƀòn dờng Gia Nghĩa mờ tơngkah 20 nam ngai crơng gơs wơl càr Dăk Nông (2004 -2024).
Tơnơ̆ sap jañ sơng gơr mut lơh chờ, ală mpồl pơrlòng neh lơh ngan đì plung tus hờ tiah tàm nggùl tơnau dà tiah tờm, sùm tàm jat gơp pơrlòng. Bulah trồ tơngai duh, mơya gal ngan làng bol tàm do mờ nac lòt nhơl neh tus sền mờ pơn jờng ală mpồl pơrlòng. Dùl tŭ bal, hơđang kơl wàng trồ ƀòn dờng Gia Nghĩa geh 4 nơm zu par, cèng rùp pơrya bồng bi pơrhê sơmañ rơmit.
Viết bình luận