Jăt Jơnau lơh nền tàm pơrjum Chính phủ dê, làng bol lơgar Lo cèng sră lòt rê mờ lơgar ndai ờs mờng gam geh tơngai ai ngui geh ờ duh pal geh sră lòt rê mờ lơgar ndai tŭ lòt jăt mpồl bơh 2 nă cau rlau hơđăng, tus bal broă lơh lòt nhơl jơh ală bơta ờ uă ir 30 ngai bơh mpồl lơh sa kă bro lam năc lòt nhơl ală lơgar Việt Nam dê bơyai lơh. Năc pal par tơn bơh lơgar Lo dờng tus Ƀlàng rơndeh par ală lơgar Cam Ranh, mơkung mŭt tàm lơgar mờ lik bơh lơgar bơh dùl mpồng nhàr lơgar bal. Broă lơh dong kờl do geh lơh tus jơh ngai 31/12/2027, tàm tơngume Nam lơh broă bal lòt nhơl Việt Nam mờ Lo bơh nam 2026 – 2027.

Gah lòt nhơl Khánh Hoà kơ̆p gơn broă lơh dong kờl ờ duh pal geh sră lòt rê mờ lơgar ndai rơ̆p geh ai tơl bơta ƀươn ai mpồl lơh sa kă bro in lơh ală dơ̆ lòt nhơl tơl làm, tàm tơrbŏ mờ cau lơh broă bal mờ jòi pờ ală dơ̆ par lòt tơn bơh lơgar Lo dờng tus Cam Ranh. Bơh hơ̆, ƀòn lơgar geh tai tŭ niam gơhòi gơ jà năc tàm ală nhai lồi nam 2026 mờ nam 2027, chồl pràn lơh broă ơm bĭc, lam lòt nhơl mờ ală drơng broă sa priă lòt nhơl.