Mờ tơngume “Cau ùr Kon Tum ngui niam bơta kuơ niam chài bơh yau Àu kap”, tàm mang chờ, 350 nă cau tàm mpồl cau ùr càr Kon Tum neh bal mờ gơp đơs crih tamya, ràng tơlik 3 ƀộ tơrgùm àu kap geh tơngume “Bơkàu Pơ Lang” bơh Hìu mai àu kap Ngọc Minh bơceh mờ ƀộ tơrgùm àu kap mờ tơngume “Ù tiah phan lời wơl niam chài” bơh cau bơceh Kim Yến dê. Jơh bal 2 nă cau bơceh àu kap ndrờm là cau Kon Tum, sơn đờm mut lơh broă geh cồng nha ngan tơnơ̆ tŭ tus bal ơdŭ bơto bơtê broă mai bơceh àu kap bơh Mpồl tam klac cau ùr dà lơgar Việt Nam pơgồp bal mờ ală cau bơceh àu kap khà dùl tàm lơgar bơyai lơh.
Di dơ̆ do, Mpồl tam klac cau ùr càr Kon Tum kung lam lơh Dơ̆ pơrlòng Cau ùr sơn đờm mut lơh broă nam 2024 mờ tơngume “Cau ùr Kon Tum sơn đờm lơh broă, ngui niam bơta kuơ bơh jŏ tàm ƀòn lơgar mờ tam gơl tơlir”. Tơngai dờp jơnau pơrlòng lơyài ngan rlau jơh là ngai 30/6/2024. Dơ̆ pơrlòng nàng kờñ jờng rơ ală jơnau bơceh niam ngan bơh cau ùr Kon Tum dê tàm broă tam gơl lơh sa tàm tơl gah broă, bơh hơ̆ dong kờl cau ùr tơnguh gơnăp gơnoar lơh sa, lơh geh ring bal ùr klau mờ bơt bơtàu hìu bơnhă gơboh gơbài.
Viết bình luận