Ngai chờ Niam chài ală jơi bơtiàn kơnhoàl Ea Kar nam do geh bơyai lơh uă broă lơh, bè: bơyai lơh đơs crih tam ya bơh yau ală jơi bơtiàn; pơrlòng ală broă nhơl bơh yau; ràng tơlik mờ sa phan sa ală kơnhoàl, ù tiah dê; sền gĭt ală ù tiah niam chài tiah đah tô mat tơngai mut Dà lơgar, Tây Nguyên mờ bơta niam chài mut gơ rờm bal; lòt sền tiah tềl lời wơl ù tiah niam bơnĕ ngan ñjrùh dà Drai Y Bar; tàm pơrlòng plung mờ plung Ka Yak; ràng tơlik mờ tăc ală phan bơna bơkah pơn rơ, phan bơna OCOP bơh ală tiah dê. Bal mờ jơnau ntas cing mồng bơh kòn cau Rơđê dê, jơnau ntas đờng tíñ, đơs then bơh kòn cau Tày- Nùng, gùng đơs Quan họ Bắc Ninh dê là ală bơta nhơl bơh yau cèng bơta krơi is bơh ală jơi bơtiàn dê, bè: tung còn, ai be tàm ghĕ, lày cỏ, đì ơyun, lềt măt kŭp ada.

Do là nam dơ̆ 3 kơnhoàl Ea Kar bơyai lơh Ngai chờ Niam chài ală jơi bơtiàn kấp kơnhoàl, ờ mìng là phan sa nùs nhơm ai làng bol tàm tiah do mờ năc lòt nhơl in lơm mờ gam pơgồp bơnah yal tơngĭt rùp hin kòn bơnus, bơta niam bơnĕ niam chài niam ngan bơh ală jơi bơtiàn dê.