Ngai lơh broă tài tiah ơm kis tàm gùng sră geh bơyai lơh 2 tơngume tơlik mat Trạm ai pil yau- pơgơl ai pil ai sră, sen lŭ mờ lam lơh “gar sơntìl”. Tàm hơ̆, lơh “gar sơntìl” là tàm bơrlŭ ù kơnàng, ƀòk kơ mờ phơng mờ dùl ết dà, tàm bơrlŭ ngan, tơnơ̆ hơ̆ ai gar sơntìl kờñ tam ơn tàm nggùl den rơpồt wil mờ ìs ro. Bơnah ù kơnàng klòm gùt dar gar sơntìl dong sền gàr gar sơntìl ờ gơtìp phan tàm ù sa jơh mờ gàr niam tơl dà ai gar in hòn.

Tàm  tơl “ gar sơntìl” geh 5 bơta gar bơh tờm chi lơh geh mbur, tờm chi tam tờm mờ phan lơh sơnơm lơyah, gơdờp mờ ù tiah kờp dŭ geh rơsìh. Tơnơ̆ hơ̆, ală gar sơntìl do rơ̆p geh ală mpồl dong kờl is at bal nàng “rơsìh” tàm ală ù tiah gời, bơnơm ờ geh chi che mờ ală ƀlàng nhơ̆t tàm tiah ñjùh dà Liêng Búk Sắc (gơwèt kơnhoàl Lăk), pơgồp bơnah lơh uă chi che phan brê dê.