Dùl tàm ală cồng nha pơnrơ ngan là tàm nam pa do, Anih jơnau đơs Việt Nam lơh geh 170 khà jờng sră ƀăo. Nam pa do, Anih jơnau đơs Việt Nam yal jơnau yal mhar, tơl làm, wil tơl ală broă gơlik geh pah ngai, cíñ trị, lơh sa, mpồl bơtiàn, niam chài, lòt  nhơl, tàp pràn să jan tàm lơgar; mơkung jat nền tàm bơta đơng lam pơlam gùng dà tàm jơnau yal mblàng yal bè ală broă tàm dunia, di tŭ đơs nền nùs nhơm ờ tŭ lơi tam gơl, nùs nhơm bơh Đảng, Dà lơgar he dê tềng đap ală broă dunia dờng, tàm hơ̆ geh dơ̆ tam lơh đah lơgar Nga mờ Ukraine, lơgar Israel mờ mpồl Hamas.

Geh ai 15 kơnòl broă tàm nam 2024, Anih jơnau đơs Việt Nam pơn jat tai jat tàm bơta đơng lam, sồr lơh bơh Cíñ phủ, Thủ tướng Cíñ phủ dê nàng lơh jat niam kơnòl broă geh jàu, yal jơnau yal ngan, di tŭ, jrô ơnàng làm uă ală broă, broă tàm lơgar mờ lơgar ndai; Ală broă lơh đơng lam bơh Cíñ phủ dê nàng kờñ lơh jat geh cồng nha jơnau kờñ bơtàu tơnguh lơh sa- mpồl bơtiàn; bơyai lơh geh cồng nha dơ̆ Pơrlòng Pờ tơlik jơnau đơs gùt lơgar dơ̆ 16; Jơh nùs tus bal ală khà jờng sră ƀăo dờng tàm lơgar mờ lơgar ndai... Kung tàm mho ngai 04/01, Đảng ủy Anih jơnau đơs Việt Nam lơh dơ̆ pơrjum tơn jơh broă lơh bơt bơtàu Đảng nam 2023, lam lơh kơnòl broă nam 2024.