Uă ƀòn lơgar gam rơ hời lơh gơs ală mpồl phan bơna, lơh geh bơta tờm nàng gơ hòi gơ jà năc lòt nhơl tus sền mờ sền gĭt. Dăk Lăk neh rơndăp ù tiah lơh 16 thôn, ƀòn lòt nhơl mpồl bơtiàn, nàng kờñ lơh geh bơta gơ hòi gơ jà, sồr lơh geh bơta lòt nhơl  ngui geh cồng nha tàm tiah do dê.

Jat mò Nguyễn Thụy Phương Hiếu, Phó kwang atbồ Sở Văn hóa, Thể thao mờ Zu lịch càr Dăk Lăk đơs, bơtàu tơnguh lòt nhơl mpồl bơtiàn pơgồp bơnah cèng wơl cồng nha lơh sa- mpồl bơtiàn ai tiah do in, dong tam gơl broă lơh sa, lơh geh broă lơh sa, tơnguh priă lơh geh ai mpồl bơtiàn tus bal tàm ală broă lòt nhơl in. Mơkung pơgồp bơnah tơnguh uă bơta gĭt wă broă prap gàr, ngui niam, yal tơngĭt bơta kwơ niam chài bơh yau niam ngan bơh làng bol dê pơgồp bal mờ bơtàu tơnguh lòt nhơl. Ngan là bè hơ̆, pal lơh bè lơi nàng mpồl bơtiàn in wă loh làng mờ jơh nùs tus bal tàm broă lòt nhơl dồ bă rcang lài den hơ̆ sồng lơh geh “bơta kis” ai lòt nhơl mpồl bơtiàn in.