Broă lơh Ngai Nrĭ Việt Nam dơ̆ 22 tàm càr Dăk Lăk cèng tus ai làng bol in ală phan lời wơl jơnau nrĭ kwơ màng tàm ală jơnau nrĭ bơh 54 jơi bơtiàn oh mi mờ ală jơnau cih pơn rơ bè ù tiah trồ tiah, ù tiah, kòn bơnus càr Dăk Lăk dê.

Ù tiah Ngai Nrĭ Việt Nam tàm càr Dăk Lăk neh lơh geh pơn rơ ngan tơngume bơh Ngai Nrĭ hơ̆ là bơta tam klăc bal ală jơi bơtiàn. Tàm dơ̆ bơyai lơh broă lơh gam geh bơyai lơh ală broă lơh bè: Ràng tơlik, yal tơngĭt ală jơnau cih, jơnau nrĭ bơh ală cau cih tàm càr mờ bơdìh càr; tàm tơrbŏ bal đah cau cih jơnau nrĭ mờ cau kờñ jơnau nrĭ; làng bol kờñ jơnau cih đơs crih tam ya; Ràng tơlik rùp, rùp wăc sềr niam ngan, phan trah mòn, ràng tơlik sră...

Di dơ̆ do, Mpồl cau cih jơnau, cau đơs crih tam ya càr Dăk Lăk neh lam lơh dơ̆ bơceh jơnau, yal tơngĭt ală jơnau cih, jơnau đơs crih tam ya gờm chờ tơngkah kir sơnrai 120 nam Ngai tơlik mat càr Dăk Lăk.