Mờr 200 nă cau pơrlòng bơh 12 Sở Nông nghiệp mờ Phát triển Nông thôn tus bal pơrlòng tàm 4 tơngume: plai tơrnò, plai kơƀàng, tennis, coh plai di anih mờ kờp jơh 18 tơngume tàm pơrlòng. Đơs mut pơrlòng, kwang đơng lam bồ Sở Nông nghiệp mờ Phát triển Nông thôn càr Dăk Lăk đơs nền: broă lơh do geh kuơ cíñ trị, mpồl bơtiàn, cèng bơta tơrbŏ bal ù tiah, nàng kờñ lơh gơlik nùs nhơm tàm pơrlòng duh hồl, pơn jat tai sơlơ tơnguh dơ̆ hòi jà “Pơlam tàp pràn kơldang să jan jat krơh wa Hồ kờñ gơboh” tàm kông chức, cau lơh broă, đoàn viên kông đoàn gah do. Bal mờ hơ̆, do kung là tŭ nàng kwang bàng, cau lơh phan, viên chức gah lơh broă sa mờ bơtàu tơnguh ƀòn lơgar ală càr tiah đah jum mat tơngai lik dà lơgar mờ Tây Nguyên sơlơ tìp mat bơsram, cribơyai mờng chài, sơlơ tơrbŏ kơ̆ bơta git gơp tam klac bal, đềt mềr, pơgồp bal, dong kờl gơp lơh gơs jak ngan kơnòl broă geh jàu.