Geh bơyai lơh bơh tŭ do tus jơh ngai 15/04 tus tàm Ƀảo tàng càr Dăk Lăk, dơ̆ ràng tơlik ràng tơlik 120 nơm rùp pơgồp bal mờ dơ̆ pờ lơma yal jơnau gơlik geh pah ngai bè rài kis mpồl ling sền gàr tiah nhàr lơgar. Do là ală rùp hin geh sac rơwah bơh ală dơ̆ lòt cih jơnau ngan ngồn, ală dơ̆ lòt lơh broă tàm tiah nhàr lơgar bơh ală cau lơh ƀăo mờ cau chài cùp rùp dê, yal ngan ngồn rùp hin cau ling tiah nhàr lơgar Việt Nam đơs bal mờ càr Dăk Lăk đơs is.

Bơh dơ̆ yal tơngĭt, mblàng yal bè tơngai 65 nam bơt bơtàu mờ bơtàu tơnguh bơh Mpồl ling sền gàr tiah nhàr lơgar Việt Nam, Mpồl ling sền gàr tiah nhàr lơgar càr Dăk Lăk; cih yal ală bơta niam bơnĕ bơh kwang bàng, cau ling sền gàr tiah nhàr lơgar dê tàm tŭ lơh kơnòl broă sền gàr gơnoar tờm ù tiah, lơngăp lơngai tiah nhàr lơgar, jơh gùt làng bol sền gàr tiah nhàr lơgar pơgồp bal mờ gơnoar tờm ù tiah bơh Dà lơgar dê.