Tus bal dơ̆ lơh chờ tàp pràn să jan geh rlau 2 rơbô 500 nă cau tus bal là kơnòm bơsram ală hìu bơsram tàm 15 kơnhoàl, thị xã, ƀòn dờng càr Dăk Lăk dê tàm pơrlòng tàm 10 môn pơrlòng, geh: coh plai cau ùr, coh plai cau klau, cờ vua, Vovinam, tàp võ bơh yau, plai tơrnò, re dà, ntoăt, pañ kam mờ tàp pràn să jan (Erobic). Ală cau tus bal tàm pơrlòng nàng dờp geh 801 gai lòng ală bơta.

Ngai chờ tàp pràn să jan càr Dăk Lăk dơ̆ 16 nam 2024 (tơngai dơ̆ 2) rơ̆p geh bơyai lơh bơh ngai 5 tus ngai 9 nhai 03. Bơh dơ̆ tàp pràn să jan nàng kờñ gàr niam, lơh pràn srơh tàp pràn să jan mờ tơnguh uă pràn kơl dang să jan ai kơnòm bơsram ală hìu bơsram tàm càr in, mơkung sền gĭt bơta chài tàp pràn să jan, bơh hơ̆ pơn jat tai bơto bơtê tề lam, ai ală cau tàm pơrlòng kơnòm să geh uă bơta chài ai càr Dăk Lăk mờ Dà lơgar in.