Geh lơh tàm 04 ngai, bơh tŭ do tus ngai 31/03 do tàm Tiah Lòt nhơl Văn Thánh, broă lơh là anih pơrgon niam chài phan ñô sa ờ gơtùi ờ sền lời ai năc lòt nhơl tàm lơgar mờ bơdìh lơgar in bal mờ làng bol Việt Nam ơm kis tàm làm gùt dunia in.

Nam do, Dơ̆ lơh chờ yal tơngĭt mờ drơng năc yàng in rlau 400 phan sa, dà hùc bơkah pơnrơ is bơh 3 tiah: đah Tô, tàm gùl lơgar, đah Jum dà lơgar. Tàm do, ală phan sa bơh phan sa bè ờs bè puăc ada riạ mờ dà lơ u, biăp bơrlŭ kati dềt mờ bơkàu điên điển, ƀung puăc buh Hà Nội, ka bŏ lề Lã Vọng, ƀung kati tít Hạ Long, puăc khâu ñụk Móng Cái, iar buh mắk khén, plai gôih Cao Bằng,…tus phan sa bơkah mơnga ngan lời ai kwang bơtau in pơnrơ bơkah is tiah tàm gùl lơgar dê geh ală cau gĭt jrô gah phan ñô sa, ală cau chài trŭ gơm phan sa dê trŭ gơm drơng năc yàng in sa. Tàm do, năc lòt nhơl gam geh tŭ tơmŭt bal să he tàm ù tiah bềng lìu nùs nhơm lơh chờ dê, bal mờ ală jơnau nhơl bơh yau, bè: ndơl măt pờng sur, tàm pơrlòng ƀĕ piang sa ờ geh puăc ka, lòt rbàng lơh mờ đơr gle, tàm to plai ƀañ.