Bal mờ tơngume “Rơnàng kơnòm să càr Dăk Lăk lam lài lơh broă, kơ̆p kờñ ngan brồ guh bơ̆t bơtàu càr Dăk Lăk pas sơm niam bơnĕ, jak chài, rài kis niam chài is”, tơngume tàm pơrlòng bơh rơnàng kơnòm să càr Dăk Lăk dê tơrgùm tàm ală broă jàu, bè: lơh jăt 120 broă mờ 1 rbô 200 bơnah broă ơruh pơnu tus bal bơ̆t bơtàu ƀòn lơgar pa mờ tiah drà jak chài; Lam ai 120 rbô nă đoàn viên, ơruh pơnu lơh jăt tus bal Dơ̆ pơrlòng jòi gĭt “Jơnau kah yau 120 nam crơng gơs, bơtàu tơnguh càr Dăk Lăk”. Dong kờl đoàn viên, ơruh pơnu lơh jăt 300 jơnau kơlôi lơh, jơnau bơceh lơh; bơto pơlam dong kời rwah broă lơh, yal mờ ai broă lơh ai rlau 30 rbô nă đoàn viên, ơruh pơnu kơnòm pa tàu in.
Bi Phan Thị Trinh, Phó Ƀí thư Tỉñ đoàn càr Dăk Lăk pà gĭt, ală broă jàu lam lơh tàm pơrlòng kung là ală jơnau kờñ tờm tàm broă lơh đoàn mờ srơh ơruh pơnu tàm nam do. Bơh hơ̆, tơnguh uă gơnoar broă bơh mpồl đoàn dê tàm tam klăc bơtòm tơrgùm ơruh pơnu jơh nùs tàm sơm băt tê bal mờ ală broă lơh bơ̆t bơtàu ƀòn lơgar tờm.
Viết bình luận