Bal mờ hơ̆ là ală broă lơh pơrjum, yal tơngĭt sră “Cau kơnòm să rơngòt sơl mờ kơnòl broă”, ràng tơlik rùp “Bơta pràn rơnàng kơnòm să Nhai 03 dê” mờ lam lơh lơh jat tơngleh 2 dơ̆ pơrlòng jòi gĭt Kah yau 120 nam tơlik mat, bơtàu tơnguh càr Dăk Lăk.
Tàm dơ̆ cribơyai, ală năc jà neh tơm bơh bơr bal, đơs bè tơngume pang sră “Cau kơnòm să rơngòt sơl mờ kơnòl broă” bơh Gah lĭp sră Cíñ trị Dà lơgar Sự thật ai ngui nam 2023. Pang sră lơ ŭt mờr 350 pang, mờ 23 jơnau cih là tơrgùm wơl bơh ală jơnau cih gah sră ƀăo, kơlôi sơnơng bơh ală kwang đơng lam bồ Đảng, Dà lơgar; Đoàn, Hội, Cau lơh ƀăo, mpồl lơh sa kă bro dê tàm uă tơngume krơi is. Tàm broă lơh, Mpồl bơyai lơh kung ràng tơlik rlau 50 nơm rùp mờ tơngume “Bơta pràn nhai 03 dê”, tơngŏ uă rùp hin niam ngan bè ală broă lơh, lơh broă bơh rơnàng kơnòm să càr Dăk Lăk dê tàm ală gah.
Viết bình luận