Tàm ală nam do, kơnờm mờ broă sền gròi bơh Đảng mờ Dà lơgar tàm ală gah broă den tàng lơh sa, mpồl bơtiàn làng bol kòn cau Prum tàm càr dê geh uă bơtàu tơnguh. Ồng Đặng Hồng Sỹ, Phó Bí thư Duh broă sùm Tỉnh ủy càr Lâm Đồng dờp ală broă pơgồp bal bơh làng bol kòn cau Prum jăt yàng Bàlamôn dê tàm broă bơtàu tơnguh lơh sa, tơrmù rơƀah, tus bal ală broă pơrlòng kờñ gơboh mờ dà lơgar mờ bơ̆t bơtàu ƀòn lơgar.

Mờ kơ̆p kờñ, ală cau kơ đơng yàng, cau lam bồ bal mờ làng bol kòn cau Prum pơn jăt tai tơnguh gơnoar, lơh gơrềng niam ngan tàm mpồl bơtiàn; tơnguh nùs nhơm tam klăc bal, dong kờl bal bơtàu tơnguh lơh sa, tơrmù rơƀah, pơgồp bal tàm broă tơnguh mpồl tam klăc gùt làng bol. Di tàm dơ̆ do, mpồl lơh broă bơh Tỉnh ủy càr Lâm Đồng neh pà phan ai ală cau kơ đơng yàng, cau lam bồ mờ cau geh bơngă pin dờn tàm mpồl bơtiàn kòn cau Prum jăt yàng Bàlamôn mờ chờ gờm làng bol kòn cau Prum wă rò Lơh chờ Katê nam 2026 mùl màl chờ hờp mờ lơngăp lơngai.