Mìng tàm rlau 2 nhai, mờ bơta lơh ngan uă bơh mpồl đơng lam, cau cih jơnau, cau chài măi mok mờ cau drơng măi bơh Anih jơnau đơs Việt Nam dê neh jal mhar bơt bơtàu tơngume jơnau đơs, rơ wah ală jơnau đơs crih, lơh sir ală bơta măi mok, rơcang ai dùl anih pờ tơlik jơnau đơs pa, tiah mờ gùng đơs crih bềng lìu bơta niam chài geh ai lài tàm tơrbŏ mờ bồ tơngoh, nùs nhơm cau iat.

Bơh ală jơnau đơs crih niam sơn đờm ngai pa tàm jơnau đơs “Sap ntas mat tơngai” tus ală jơnau tàm bơrlŭ bal tiơng pơn rơ bơh “Sap ntas yal yau” dê halà anih iat jơnau tàm bơrlŭ bal gùng đơs crih tàm jơnau đơs “Hìu đơs gùng đơs crih” - Concert Hall, tơl tơngume jơnau đơs ndrờm cèng dùl bơta niam krơi is. Nàng ală jơnau tàm bơrlŭ bal gùng đơs crih, ală gùng đơs iat tàm cơldŭ, Jazz ờ mìng mpong ntas tàm cơldŭ bơrlŭ bal gùng đơs crih, mờ gam mpờl gŏ tàm rài kis bè ờs pah ngai; nàng tơl nă cau iat geh tai tŭ niam nàng git gŏ bơta niam bơh gùng đơs crih dê, lơh gơs mờng kwèng iat, sền niam chài mờ lơh niam nùs nhơm. Hơ̆ kung là bơta kuơ mờ VOV Sonata FM89 kờñ wèt tus - nàng gùng đơs crih ờ mìng geh iat, mờ gam pơgồp bơnah lơh niam rài kis nùs nhơm mờ lơh gơ rề ală bơta kuơ niam chài kơnhăp kơ̆ tàm mpồl bơtiàn. VOV Sonata FM89 pờ tơlik ngai jơh bal ngai mang pah ngai tàm ƀang FM 89MHz.