Do là 1 tàm ală dơ̆ lơh chờ dờng ngan rlau jơh gùt lơgar. Dơ̆ lơh chờ Yên Tử sơn đờm mờ bơhiàn hòi dan dà lơgar lơngăp lơngai, làng bol ring lơngai mờ sơn đờm pờ ƀang kì ndu gơn rơh Yên Tử. 

Sùm jơh gùt tơngai lơh chờ rơp geh ală broă lơh niam chài bè: Bơyai lơh ală bơta nhơl ñŏ bơh yau; lơh đơs crih tamya ờs mờng tàm tiah Ƀòn Nương Yên Tử; Ràng tơlik rùp sềr, rùp cùp mblàng yal, yal tơnggit bè ală bơta kuơ mờ bơta niam ndu gơn rơh bơh Yên Tử dê; Lòt sền niam chài phan sa bơh làng bol kòn cau Dao Thanh Y dê hơ đơm jơng bơnơm Yên Tử. Dơ̆ sơn đờm lơh chờ nam pa Yên Tử là broă lơh niam chài drơng jơnau kờñ sền niam chài nùs nhơm bơh ală rơnàng làng bol dê, pơgồp bơnah prap gàr, jờng rơ, ngui niam bơta kuơ mờ yal tơnggit rùp hin ù tiah tiah tiơng pơn rơ Yên Tử tus nac lòt nhơl tàm lơgar mờ dunia.