VOV4.M’nông: 300.000 đôlar kơl an bu ur geh nau khuch yor trôk nar lơh, nê lah prăk Chính phủ Hàn Quốc n’hanh UN Women ký nau tâm boh gay kơl an rgâl ân ueh lơn nau răk kloh ueh tâm bu ur n’hanh kon se bu ur tâm 7.500 rnăk vâl ach o n’hanh bơi ach o geh nau khuch yor trôk nar lơh ta 6 nkuăl tâm mpeh Đồng bằng sông Cửu Long n’hanh Tây Nguyên. Rnoh prăk kơl an bah Chính phủ Hàn Quốc mra geh kơl an bu ur tâm nkuăl geh nau khuch khat yor trôk nar lơn n’hanh lăp dak chiăt boh ta n’gor Cà Mau, Kon Tum n’hanh Gia Lai gay njrăng nau ji n’hanh mât ueh n’hâm soan, n’hao nau blau, ko\ kơt lah kơl an ân n’hao nau geh ân rnăk ach o. Nkre đah rnoh prăk aơ, UN Women ko\ ndơn 400.000 đôlar tă bah Tơm prăk kơl an ndal bah Liên hợp quốc gay kơl an 20.000 nu\ih bu ur n’hanh kon se bu ur ta ăp n’gor geh nau khuch yor trôk nar lơh n’hanh lăp dak chiăt boh ta Việt Nam.

Khay 3/2016, chính phủ Việt Nam, ăp ntu\k kan bah Liên hợp quốc n’hanh ăp dak kan nsum ho\ kuăl jă lah ntur neh kơl an 48,5 rkeh đôlar ân nau nchrăp kan kơl an 18 n’gor, nkuăl [on têh geh nau khuch yor trôk nar lơh n’hanh lăp dak chiăt boh khuch hô ngăn tâm rlau 60 năm ma aơ./.

                                                          Nu\ih rblang: H’Thi.