VOV4.M’nông – Nar 16-3 đah a[aơ 41 năm, nkual neh n’gor Kon Tum, ngoăy tâm ăp ntu\k tâm lơh tâm su du\t krit nji rơh mprơh Mỹ, dơi rklaih luh. Dâk rêh tay bah n’huk ngo tâm lơh tâm su, rngot klâng roh yot, 41 năm rlău aơ Đảng bộ, n’gâng kan, tahen n’hanh [on lan n’gor Kon Tum mât ue\h nuih n’hâm tâm rnglăp nsum soan, du nuih n’hâm rdâk njêng [on tơm neh dak. Ndrel đah soan rhal n’hanh le\ ma nting mham, ăp nkual neh kh^t tă bah bom ndrak, kroh ntang bah dak si hoá học ăp nar, a[aơ le\ dâk rêh tay, ns^t tay nău rhơn răm. Nkhêp geh khay 3 jêng nău nkoch, phóng viên Radio nău ngơi Việt Nam way gu\ kan ta Tây Nguyên hăn tât nkual neh Đak Glei, nkual neh jêng nău nkoch bah n’gor Kon Tum, nchih nkah tay ăp nău rgâl ta nkual neh dja.

Bah nkual [on têh Kon Tum t^ng trong Hồ Chí Minh hăn rlơ\ mpeh Tây Bắc, knu\ng roh nklăp 2 mông gu\ tâm ndeh ô tô gay tât nkuăl têh Đak Glei. Tât ăp [on xă ngai đê| tay kơt, Đak Man, Đak Blô, Đak Choong, Ngọc Linh… knu\ng roh tay đêt mn^t, knơm geh trong le\ jêh. Ta trong Hồ Chí Minh ndeh rklư s^t hăn tâm Nam-Bắc, wa A Thế, nu\ih kon bah rnoi Giẻ Triêng, [on Đông Lốc, xă đak Man nkah g^t nkoch tay:

                                            Trong Hồ Chí Minh hăn rlău nkuăl Đak Glei

Khay 4 năm 1997 lah nkhah xă, trong du\t jêr, mô ho\ geh trong mô ho\ geh ndơ hăn jâng dơm, trong ri bri. Lvang trong aơ kăl e geh yău âk hăn du\t klach ngăn mô geh dơh ôh. Tât a[aơ kônh wa [on lan he dơi saơ trong Hồ Chí Minh hăn rlău ri dơh, geh ndeh máy hăn du\t nơih.

Gay dơi geh nău rgâl săk nar aơ ndrel đah nău uănh m^n ntuh kơl bah Ngih dak dak, đảng bộ, [on lan nkuăl Đak Glei rlău 41 năm nsrôih ndâk njêng, ndrel dak rhal n’hanh nting mham. Bah ăp nar jêh rklaih đăp mpăn, nkuăl le\ ntơm jêng nău cách mạng” tâm srih tăm ba lo\ kơl [on lan ăp rnoi mpôl đêt ta Đak Glei lôch nău muih-su tuch ba. Jêh âk nău mha bôk năp, âk ntil tơm tăm, kơt cà phê, cao su, bời lời… a[aơ le\ jêng bên n’hanh an nu\ih [on lan ns^t geh âk.

Lah xă bôk năp tăm cà phê bah nkuăl, Đak Choong a[aơ ăp jay tăm ntil tơm aơ da dê. Ăp nu\ih ntoh lư kơt kruanh thôn A Thuốc, [on Bê rê. Ăp nô A Duông, A Anh [on Đak Glei…. Du năm geh rhiăng rkeh prăk bah tơm cà phê. Wa A Mô, Bí thư Đảng uỷ xă đak Choong an g^t:

Kônh wa he mpeh hun hao wa\ng sa du\t ueh nkôp đah bah năp. Ns^t geh mbơh oi. Ach o ri hôm e yơn rnăk ji ngot mô hôm geh tay. Ne\ lah nău du\t rhơn. A[aơ xă [on he, kônh wa he ntu\k hăn geh ngih wâl kloh ueh lah jay xây. Nkôp đah năm 1996 a[aơ jay xây geh nklăp 70%.

Ndrel đah du\t n’hâm kơl nu\ih [on lan kơt t^ng khoa học kỹ thuật gay rgâl nău m^n tuch tăm, nkuăl Đak Glei ntrôl dăng ndâk njêng trong hăn thôn [on nta dơh an tăch rgâl, ntru\t nsôr tuch tăm hun hao. Tât a[aơ 11 xă, lơn lah ăp xă nkual jru ngai jêr jo\t, kơt Mường Hoong, Ngọc Linh, Xốp, đak Blô le\ geh trong ndeh tât xă le\ bar yan mih duh. Trong điện ngih dak lam bơi le\ ăp thôn [on. Mô hôm rvê âk an nău sa, ao nsoh ăp nar, nu\ih [on lan Đak Glei n’ăp ta nkual jru ngai, nkual rnoi mpôl đêt a[aơ le\ m^n âk lơn tât nău [ư ndro\ng n’hanh ndrel ty ndâk njêng thôn [on mhe. Ăp xă ntu\k thôn [on mhe, kơt kơt: Đak Môn, đak Pét, đak Kroong lah nău ntôh n’hao bah [on lan ntu\k aơ. Đah ding le\ rnoh nu\ih [on lan bơi 45.000 nu\ih, rlău 82% lah [on lan rnoi mpôl đêt, wa\ng sa bah nu\ih [on lan du\t âk nsing tâm lo\ mir, nkuăl Đak Glei m^n ndrel đah nău ndơ\ tơm tăm ntil mhe an nkra njêng mbra rgum n’hao săk rnglay, ueh kah jêng ndơ moh êng an ăp ntil tơm tăm bên. Wa A Phương., Groi kruanh UBND nkuăl Đak Glei an g^t:

 Nkuăl rgum nt^m rđau hun hao 3 ntil tơm tăm khlay. Bôk năp lah tơm cao su, tal 2 lah tơm cà phê n’hanh tal 3 lah tơm bời lời. Đah tơm cao su rgum ta 3 xă mpeh bah dâng: Đak Long, Đak Môn, Đak Kroong. A[aơ lah 1.100ha. Mpeh tơm cà phê ntu\k nđik ta 6 xă mpeh bah lơ geh Đak Blô, Đak Man, Mường Hoong, Ngọc Linh, xă Xốp. Tât năm 2020 rnoh neh tơm cà phê mbra hao tât 1.6000ha. Tơm bời lời rgum âk ta xă đak Pét n’hanh nkuăl têh đak Glei. Hôm [a [a\ n’hu\ch đêt tơm ba n’hanh bum”.

Tât Đak Glei 41 năm jêh nar Kon Tum rklaih đăp mpăn lơ lăp jru tay nău khlay bah đăp mpăn. Hao dăng lơn tâm hun hao wa\ng sa rêh jêng, đăp mpăn bri dak rnă njrăng n’hanh ndâk njêng 130 km trong n’har bri đăp mpăn, dăch dêh đah dak băl Lào. Đah nuih n’hâm bah ăp nu\ih kru\ng cộng sản ta ngih kru\ng Đak Glei, nuih n’hâm ndâk hao bah [on tâm lơh tâm su Xốp Dùi, bah lơh dăng Đak Glei, Đak Pét n’hanh n’ăp nău lơh dăng ji ngot ach o rluk mâl lôch tâm 41 năm bah năp, Đak Glei dôl nchih jêng ăp plơk năm mhe tâm nkual neh mpeh bah lơ Tây Nguyên./.

Nu\ih rblang: Y Sưng Phê Ja