VOV4.Mnông: Nău duh phang jo\ jong [ư roh dơm âk, jêng tât nău mô to\ng ndơ sa ta n’gor Dak Lak hao âk ndal. A[aơ, geh klâp ma 64 rbăn nu^h ta ntu\k dôl u\ch geh phe kơl sa bâh Chính phủ. Tâm du pơh ba năp, rnôk geh dơn 500 tấn phe bâh chính phủ, n’gor Dak Lak le\ ndăn kơl an klâp ma 30 rbăn nu^h ta le\ rngôch ăp nkuăl, nkuăl têh ta n’gor. N’gâng kan têh le\ ua\nh nđôi tay an saơ, yor duh phang jo\ jong [ư geh klâp ma 64 rbăn nu^h mô to\ng ndơ sa. Tâm rnôk ta ntu\k hôm nha jêr jo\t, UBND n’gor Dak Lak le\ đă Chính phủ kơl tay 1 rbăn tấn phe gay ma kơl tay an [on lan . wa Trần Kim Tiến- groi kruanh ntu\k kan mât kơl ntu\k rêh jêng-ntu\k kan lao động thương binh n’hanh xã hội n’gor Dak Lak an g^t: bâh bôk năm tât a[aơ, ta ntu\k le\ geh chính phủ kơl an 1.500 tấn phe, nău pă phe an [on lan geh [ư ndăn, ngăch di đah nu^h n’hanh mât đăp mpăn ueh di.

Nu^h rblang: Thị Đoắt