VOV4.M’nông: Đah rlău 1000 câu lạc bộ, 35.000 nu^h lăp kan nsum, ăp câu lạc bộ mô deh kon tâl 3 ta n’gor Dak Lak le\ rgop khlay tâm pah kan đă deh đêt kon, n’hao nău săk geh nău rêh, hun hao wa\ng sa- rêh jêng kon nu^h ta n’gor.

            Njêng ntơm bah năm 2008, câu lạc bộ mô deh kon tâl 3 thôn Kiến Xương, xã Buôn Triết, nkuâl Lăk bôk năp dơn geh 12 nu^h dơm. Djăt ma 3 khay du tơ\, Ban chủ nhiệm câu lạc bộ [ư sinh hoạt đah âk nkô| kơt: mbơh nti, nkoch trêng mpeh mât chăm n’hâm soan deh nse- đă deh đêt kon; nkoch trêng Luật tâm ban bu ur bu klô; njrăng n’gang tâm lah tâm janh tâm rnăk wâl; rdâk njêng rnăk wâl rhơn răm, geh nău tâm ban, rgâl mhe; tâm nchră rgum t^ng nkô| bôk dơi ăp nu^h lăp kan nsum uănh khlay. Lôch ăp rơh sinh hoạt, ăp nu^h lăp kan nsum dơi tâm nkoch g^t, tâm kơl nsum nkra ăp nkô| nău nuih ăl way mâp tâm nău rêh, nău ơm g^t mât nti oh kon, hun hao wa\ng sa. Ntơm bah nê, kơl ăp oh yuh bu ur geh tay nău g^t mât chăm an rnăk wâl; bu klô g^t wât dơi nău dơn kan bah nu^h sai tâm nău njrăng n’gang tâm lah tâm janh ta rnăk wâl, g^t tâm nkoch đah ur tâm nău t^ng [ư đă deh đêt kon. Wa Trần Thị Thơm, chủ nhiệm câu lạc bộ mô deh kon tâl 3 thôn Kiến Xương lah:

            “Ntơm bah nar lăp Câu lạc bộ tât a[aơ mpôl hên saơ ăp oh yuh tâm jă nsum, kơl nsum mpeh nuih n’hâm n’hanh wa\ng sa, ăp oh yuh rlu n’gle\ 2 kon, bu ur mô lah bu klô kađôi, gay mât nti an ue\h n’hanh rvê an hun hao wa\ng sa, jêng kon sai geh nău rhơn nđơr da dê”.

            Bah meng ăp rơh sinh hoạt ăp rơh bah câu lạc bộ, Ban chủ nhiệm ndrel đah nu^h kơl kan đă deh đêt kon n’hanh hội bu ur hôm ntêm an âk mông nar hăn tât t^ng jay gay nkoch trêng, rgo\ jă oh yuh. Saơ nău dơi ue\h ma câu lạc bộ ns^t an tay, nar lơn ma âk ur sai râng sinh hoạt. Tât a[aơ, câu lạc bộ mô deh kon tâl 3 Kiến Xương le\ geh 28 nu^h lăp ngăn n’hanh rlău 80 hội viên râng sinh hoạt. Ndrel đah nău mât sinh hoạt ăp rơh, ăp nu^h lăp tâm câu lạc bộ hôm rgop prăk nkrem, ntop kơl ăp nu^h jêr jo\t manh gay ntuh kơl mât rong, tuch tăm đo\ng.

            Rnăk yuh Nguyễn Thị Hiền ta thôn Kiến Xương, xã Buôn Triết, nkuâl Lak râng câu lạc bộ mô deh kon tâl 3 ntơm bah ăp nar njêng. Yuh Hiền geh bar hê kon bu klô, kon dak bôk năm aơ thi đại học, hôm oh bah kơi nchrăp lăp nti jrô 11, le\ 2 hê kon mbleh mblôn n’hanh nti blău da dê. Ndrel đah mât chăm 8 sào cà phê n’hanh 2 ha ba lo\, mât rong su\r, djăr, ăp năm rnăk yuh ns^t geh rlău 200 rkeh prăk. Yuh Nguyễn Thị Hiền lah:

            “Ntơm bah rnôk lăp  ri oh yuh nkoch trêng lah mô deh kon tâl 3 gay nkre mât ngăch dăng n’hâm soan, nkre mât chăm kon ue\h, wa\ng sa hun hao đo\ng. Lăp câu lạc bộ geh ns^t ue\h an oh yuh, oh yuh geh rgop du đêt [ư prăk nkrem gay an ăp oh yuh i jêr jo\t manh gay hun hao wa\ng sa đo\ng. Kơt rnăk mpôl hên a[aơ saơ wa\ng sa hun hao n’hanh ăp oh kon hăn nti na nê| đo\ng”.

            N’gor Dak Lak a[aơ geh rlău 1000 câu lạc bộ mô deh kon tâl 3 ta le\ rngôch ăp ntu\k [on lan gu\ xã, phường, thị trấn đah bơi 35.000 hội viên râng. Nău kan bah ăp câu lạc bộ dơi [ư ndop đah ăp nău kan bah pah kan đă deh đêt kon n’hanh pah kan mpôl bu ur, jêng tâm rnôk sinh hoạt, rmôt pah kan đă deh đêt kon n’hanh chủ nhiệm câu lạc bộ geh nău kan nsum lhăt. Wa Mai Văn Phán, Groi chi cục trưởng Chi cục dân số kế hoạch hoá gia đình n’gor Dak Lak an g^t:

            “Mpôl hên geh mpôl kơl kan đă deh đêt kon ta le\ rngôch ăp thôn [on n’hanh nkual [on lan gu\, rlău ma nê ta le\ rngôch 184 xã phường geh mpôl rnâng kan kơl kan đo\ng. Đah ta nkuâl ri a[aơ geh ăp trung tâm đă deh đêt kon lăp kan. Yor kơt nê| nău kan nsum đah ăp n’gâng kan nsum mpôl ta ăp ntu\k ri mpôl hên le\ buăt nthoi gay an [ư ue\h trong leo kan dja. Yor kơt nê| nău kan bah mpôl hên way dơi mât n’hanh way geh ăp nău rgâl an tâm di đah t^ng rơh, nău t^ng [ư câu lạc bộ mô deh kon tâl 3 du\t n’hâm khlay n’hanh păng ns^t tay nău dơi du\t âk tâm bah ri aơ nơh”.

            Nău kan nsrôih ue\h, ns^t geh nău dơi bah ăp câu lạc bộ mô deh kon tâl 3 ta Dak Lak mpơl kloh ma rnoh hu\ch deh, lơn lah rnoh âk deh kon tâl 3. Năm 2012, lam n’gor geh 16,5% rnăk deh kon tâl 3, tât năm 2015, rnoh dja hôm 13,9%. Ta âk ntu\k mpeh ăp nkuâl kơt: Lak, Krông Pach, M’Drak, thị xã Buôn Hồ âk năm mbro mô geh nu^h deh kon tâl 3 let lơ. Đah âk nău kan ngăn ngăn, ăp câu lạc bộ mô deh kon tâl 3 ta Dak Lak le\ rgop t^ng [ư pah kan đă deh đêt kon, n’hao nău săk geh nău rêh [on lan ta ntu\k./.

Nu^h rblang: Điểu Thân