VOV4.M’nông - Ndeh kong nong lah ndeh geh êng ta ăp n’gor Tây Nguyên lah nsum n’hanh Dak Lak lah êng. Yơn lah, yor trong kan mât uănh hôm e jêr, jêng ntil ndeh aơ le\ [ư âk nău rmanh, roh đăp mpăn ntung trong. Ta năp nu nău aơ, n’gâng kan dơi kan n’gor Dak Lak dôl n’hao trong mât uănh rjăp nău hăn bah ndeh kong nong, gay n’hu\ch du\t n’hâm rmoh rmanh bah ndeh aơ. 

        Ăp ôi ơm, njok trong Hồ Chí Minh, lvang hăn rlău ăp nkuăl Ea H’leo, Krông Buk, nkual têh Buôn Hồ, n’gor Dak Lak, t^ng rmôt ndeh kong nong (nu\ih [on lan kuăl lah ndeh kay) tâm hui rdêng nu\ih n’hanh ndoh ndơ pah kan hăn tâm mir. Kêng măng, ăp rmôt ndeh aơ tâm hui tay s^t ta trong quốc lộ, rdêng bêng ndơ n’hanh t^ng rmôt nu\ih gu\ prêh ka lơ rmok. Bôl trong Hồ Chí Minh ta aơ le\ dơi pơk hvi, tuh chay ueh lâng, yơn đah nău hăn bah t^ng rmôt ndeh kong nong tâm pit đah ăp ndeh êng, [ư trong hăn aơ geh âk nău mô lap rmoh rmanh. Saơ nău aơ ăp nar, nô Phùng Đức Nguyên, ta thôn Katy 2, xă C|ư Kpô, nkuăl Krông Buk, geh nău rgop:

           Ndeh kay rdêng du\t âk nu\ih saơ du\t klach t^ng gâp ri kông ang an rmal rjăp yor ndeh kay mô đăp mpăn đah kỹ thuật ma hâưn ri ngăch ir. Kông an an ntup ngăn ăp nu\ih nchoăt ngăch ir an rmal rjăp. Ndeh kay choăt đah côn [^t I ty knu\ng nchoăt ngăch pơng kol côn mô lah pet teng trong rlơt nku\m dâl, kh^t nu\ih lah mô geh nău mha.

Ndeh kong nong tâm pit trong đah ndeh têh

          Mô knu\ng ta trong Hồ Chí Minh lvang hăn ăp nkuăl mpeh bah lơ n’gor Dak Lak, ma ndeh kong nong hăn ta le\ rngôch ăp trong bah n’gor. Trung tá Võ Hoài Giang-Groi trạm trưởng trạm ntung trong Krông Buk, Kông ang n’gor Dak Lak an g^t, ndeh kong nong [ư tih rdêng nu\ih n’hanh ndoh ndơ geh du\t âk, yơn rmôt cảnh sát ntung trong đêt, ntu\k ntô hvi jêng nău rmal mô dơi le\. Gay nkra nău aơ, năm tât ntu\k kan mbra n’hao uănh nđôi, groi uănh, kơt do\ng ăp trong mkra dăng lơn gay đăp mpăn ntung trong. Trung tá Võ Hoài Giang lah:

          Mpôl hên mbra n’hao trong kan uănh nđôi n’hanh rmal rjăp ăp nu\ih: ngoay lah rdêng nu\ih tâm rmok, bar lah mô geh sam [u\t [^t ndeh, 3 lah nchoăn ngăch way [ư rmanh prah tâm tom. Ndrel đah ăp ngih pah kan, rmôt kan nsum mpôl n’gâng kan [on lan mpôl hên mbra nkoch trêng jru hvi tât nu\ih [on lan, mpôl hên [ư tay an nu\ih [on lan tâm ton rnôk [^t ndeh kay hăn trong ri t^ng ueh luật ntung trong.

Ndeh kong nong hăn nkr^p

         T^ng nău ntru\nh, ndeh n’hanh nu\ih [^t ndeh kong nong an geh nău mât uănh hành chính tă bah trong kan dăn [ư sam [u\t, dăn uănh năl di kỹ thuật; nu\ih [^t ndeh an nti sam [u\t [^t ndeh hạng A4, rwa\t bảo hiêm trok an kon nu\ih. Lam n’gor Dak Lak geh nklăp 80 rbăn ndeh kong nong, yơn knu\ng geh 13 rbăn nu\ih geh sam [u\t an [^t ndeh hạng A4. Mô blău [^t ntop đah ndeh mô đăp mpăn kỹ thuật n’hanh nău wât hăn ntung trong hôm e đêt lah ăp nkô| nău [ư âk prah tâm tom ndeh geh tât ndeh kong nong. Wa Bùi Văn Ngọc, Chánh văn phòng Ban đăp mpăn ntung trong n’gor Dak Lak an g^t, bah bôk năm, rmôt kan dơi kan n’gor Dak Lak le\ rmal rlău 740 nu\ih, nhup kân bơi 190 bôk ndeh kong nong tih rdêng nu\ih n’hanh ndoh ndơ âk ir. Nu nău aơ an mkra tâm năm tât.

         Ban đăp mpăn ntung trong n’gor tâm ôp tâm nchră đah UBND n’gor nt^m rđau ăp ngih pah kan geh tât nău kan, ăp ban đăp mpăn ăp nkuăl, nkual têh, nkual [on têh, ăp ntu\k nti pơk ăp jrô nti [^t ndeh hạng A4 ta ăp xă, phường gay nta nơih an nu\ih [on lan ta ăp xă dơh râng ăp jrô nti. Bah meng ne\, tâm ntop đah trong kan nkoch trêng tât nu\ih [on lan knu\ng do\ng ndeh kay, ndeh rmok gay rdêng ndơ phân poh mô dơi rdêng nu\ih.

Ndeh kong nong rdêng nu\ih

          Ndeh kong nong lah ndeh do\ng pah kan tâm tuch tăm lo\ mir bah ăp n’gor Tây Nguyên lah nsum n’hanh Dak Lak lah êng. Yor r^, n’gâng kan dơi kan n’gor ân mât ua\nh rjăp lơn, nkoch trêng an nu\ih [on lan wât ăp nău ntru\nh bah pháp luật mpeh nău do\ng ntil ndeh aơ, gay đăp mpăn tâm pah kan nkra njêng n’hanh rnôk hăn trong./.

Nu\ih rblang: Y Sưng Phê Ja