VOV4.M’nông: Ăp nar dja, nu^h tăm cà phê ta n’gor Dak Lak le\ lăp tâm khay klêh. Ntu\k ih mô geh, âk rnăk le\ ndăn meng trong gay [ư ntu\k ih cà phê, [ư roh đăp mpăn hăn ntung trong.

Quốc lộ 27 hăn rlău thôn 4 xã Hoà Thắng, nkual [on têh Buôn Ma Thuột, n’hanh thôn 8 xã Ea Ktur, nkuâl Cư Kuin, n’gor Dak Lak ăp nar dja geh âk ntu\k nu^h [on lan ru\n in gay ih cà phê. Geh ăp ntu\k ru\n bơi le\ trong hăn an ndeh honda n’hanh ndeh wah jâng, tih ru\n trong jong bar pe jât, geh ntu\k hang rhiăng mét măt trong đo\ng. wa Nguyễn Duy Cường ta thôn 4, xã Hoà Thắng dôl ih cà phê meng ntung Bà Dần, mpeh trong Quốc lộ 27 an g^t: Rnăk dôl ma klêh cà phê, âk nklăp 6 tấn rnglăy, yơn mô geh ntu\k ih, jêng ndăn meng ntung dja gay ma ih. Ăp ndeh wah jâng hăn rlău ntu\k dja der da dê.

Tâm ban kơt nê| đo\ng, rnăk nô Nguyễn Hoài Sơn ta thôn 8, xã Ea Ktur, nkuâl Cư Kuin le\ ru\n bơi 100m trong an ndeh honda ta trong Quốc lộ 27 gay ih cà phê; tâm nê le\ ma trong kue du\t klach rvê. Bol ma g^t ih cà phê ta meng trong khuch tât trong hăn, yơn nô Sơn nha nte\ kô| mô geh ntu\k ih đo\ng. nô Nguyễn Hoài Sơn, lah:

Jay gâp klêh cà phê yơn mô geh ntu\k ih jêng ru\n ih bah meng trong, lah mô ri cà phê khuch ôm. Jâng gung jay gâp hvi nklăp 70 mét vuông dơm, dôl ma khay klêh jêng mô to\ng ih jêng gâp ru\n ih bah meng trong. G^t lah mô di yơn a[aơ mô geh ntu\k ih ri khuch tât wa\ng sa rnăk wâl.

Nu^h râng hăn trong ta Quốc lộ 27 way saơ roh đăp mpăn rnôk hăn rlău xã Hoà Thắng, nkual [on têh Buôn Ma Thuột n’hanh xã Ea Ktur, nkuâl Cư Kuin, n’gor Dak Lak yor nău ih cà phê ta meng trong. Geh ăp gâl trong hăn du ding, an ndeh honda nchuăt ngăch, mô lah geh ăp gâl trong kue ndâp măt uănh, nchuăt ngăch hôm geh nu^h [on lan ru\n gay ih cà phê đo\ng. yuh Phạm Thị Minh Tâm ta phường Ea Tam, nkual [on têh Buôn Ma Thuột uănh saơ nău dja lah:

Gâp saơ ih cà phê meng trong kơt aơ ri jêr an hăn trong, lah kuâng ma hăn rhot ri ntu\k geh ntu\k ma ndeh honda  der? Nu^h [on lan ân g^t m^n êng lơn, mô dơi ih cà phê tiêu bah meng trong, lah ih kơt aơ ri mô geh trong ma hăn, mpo\ng lah n’gâng kan ta ntu\k ân geh ăp trong nkra mô an geh nău dja đo\ng.

Wa Bùi Văn Ngọc, Chánh Văn phòng Ban đăp mpăn hăn ntung trong n’gor Dak Lak an g^t, nău nu^h [on lan ru\n ih ndơ meng trong lah nsum n’hanh cà phê lah êng le\ geh âk năm aơ. Êng trong Quốc lộ 27, khay dja ri geh ru\n in gay ih cà phê; khay rek ba, [on lan nkuâl Lăk luh bêng trong ih n’hanh pih rhe, [ư roh đăp mpăn trong hăn. Wa Bùi Văn Ngọc, lah:

Ban đăp mpăn hăn ntung trong n’gor le\ way nkah ăp nhih pah kan dơi kan mât uănh trong hăn t^ng [ư nău dơi kan mât uănh ngih dak bah he đo\ng, ân n’hao dăng kan nsum ăp kôp âk trong nkra. Nkoch trêng mbơh g^t lam hvi gay nu^h [on lan g^t wât nău ih ndơ meng trong lah tih mât njrăng trong hăn. Lah an geh nău tât rmoh rmanh hô ri mbra geh rmal nhu\p kân. Ndrel đah pah kan nkoch trêng ri dăn đă ăp nhih pah kan dơi kan kơt thanh tra, Sở Giao thông vận tải, tâm ban kơt thanh tra bah Cục mât uănh trong hăn [ư pah kan nsong uănh nkra rmanh gay nhiăl bah đo\ng, kơl nu^h [on lan t^ng jăp pháp luật mpeh mât njrăng meng trong me đăp mpăn.

G^t lah, ntu\k ih pâr ndơ tuch tăm bah kônh wa jêr jo\t, yơn mô yor kơt nê| ma ru\n in trong hăn gay ih ndơ tuch tăm [ư roh đăp mpăn hăn ntung trong. Nău [ư klach rvê nê bah kônh wa [on lan n’gor Dak Lak ta njok trong Quốc lộ 27 ân nking nchăng ngăch lor rnôk ăp nău tât rmoh rmanh geh tât./.

Nu^h rblang: Điểu Thân