VOV4.M’nông: Đồn Biên phòng Ia Lốp, N’gâng kan rđau kan tahen Biên phòng Gia Lai mhe rlau aơ ho\ nsôih mô rlu ndrel n’gâng kan n’hanh [on lan tâm nkuăl hun hao văng sa, ndâk njêng [on lan mhe, ndâk nau tâm boh tama kơl tahen, [on lan, mât rnă njrăng nkuăl n’har bri.

Dôl gu\ kơl kon sau leo bah tă bah ndeh jur tâm nglan ngih, bu ranh Siu Biu gơm rhơn ân gi\t, năm aơ rnăk vâl păng ndrel kônh wa tâm Plei Klăh, xã Ia Mơr geh âk ba, mra to\ng sa tâm du năm. Wa Siu Biu ân gi\t, kônh wa Plei Klăh geh kơt nar aơ lah rnơm bah n’hâm tahen biên phòng Ia Lốp. Yor bah năp nơh, nu\ih [on lan tâm aơ knu\ng mơng nau ntrơn ntu\k gu\, tăm ba mir, kăl si [ư mir. Nau kăch rek ri nsing tâm bri mih nar yor ri ma kônh wa vay mô to\ng ndơ sa. Ntrơm nar geh tahen biên phòng Ia Lốp nti\m kônh wa srih tăm ba ndrel mât chăm ba dak gleh nar, ân geh săk rnglay văng sa âk ri mô êng rklaih ji ngot ma hôm geh ba sa, ba têm. A[aơ, ta Plei Klăh ho\ geh ngih ndâk nkra mhe ueh, âk rnăk vâl geh rvăt ndeh klư, kơl an nau kan tuch tăm:

‘Đồn biên phòng kơl an kônh wa thay neh lo\, srih ba, jêh nê poh phân yor ri ma nroh geh âk ngăn. Ntil ba ri so\ng ntil ba mhe, ntil ba knu\ng 3 khay. Êng nê, ntil tơm tăm êng ri kônh wa nơm geh tơm điều đo\ng”.

Rnoi Jarai ta xã Ia Mơr tă mơng đah nau tâm du rnăk m’ơk rong ntơm du mlâm tât bar mlâm ndrôk tâm nâm ndrôm ngih. Yơn ntơm rnôk cán bộ, tahen Biên phòng Ia Lốp nti\m kônh wa [ư ndrung, nkra ngai đah ngih ndrel geh chuh n’gang ân ndrôk ri âk rnăk vâl ho\ rong ndrôk geh tât 20-20 mlâm đo\ng ndrel jêng nau geh bah rnăk vâl. Năm 2017, Đồn Biên phòng Ia Lốp ho\ ndơn nau mât kơl an 2 rnăk geh n’hâm đah cách mạng ta Plei H Nát. Ti\ng nê, rmôt kan so\k prăk khay bah cán bộ, tahen rgop gay nkra ngih, pă du rnăk bar mlâm ndrôk, kơl an 20 rkeh rvăt ntil tơm điều tăm 20 ha gay kơl an bu rklaih ach o.

Âk năm ma aơ, Đồn Biên phòng Ia Lốp ko\ dăng ký kơl an n’gor [ư to\ng nau dơi mpeh dak si, nti\m nti ndrel rnă njrăng, đăp mpăn nau rêh tâm Bôk nau kan Neh dak ndâk njêng [on lan mhe. Wa Rơ Lah Chim, Kruanh UBND xã Ia Mơr, nkoch tay:

‘Rơh rlau aơ, nau kan bah Đồn Biên phòng Ia Lốp ueh ngăn. Tal bôk năp lah mât nkuăl n’har bri, đăp mpăn kônh wa [on lan tâm nau pah kan jan sa, mêt uănh nau gu\ âm ueh ngăn. Kơp n’ăp ma [on lan nơm, kơp n’ăp ma nu\ih nơm mơng, ntu\k kan ko\ mêt uănh, gay geh to\ng ăp ntil săm [u\t mư dơi luh lăp nkuăl n’har bri. Tal 2, phung hên tâm rgop, [ư ân bu rang [on, kruanh [on, nu\ih geh bu rnơm hăn khâl ăp ntu\k n’gâng n’har gay git nkual n’har bri  Việt nam-Campuchia, gay mô geh lăp tâm dak băl”.

Tâm 10 năm rlau aơ, Đồn biên phòng Ia Lốp ho\ kơl an ndâk 10 ngih ân rnăk dơi kơl, geh n’hâm đah cách mạng ta xã Ia Mơr. Ndrel đah nê, rmôt tahen tâm rgop [ư ăp nar kham, pă dak si mô roh prăk ân kônh wa. Plơng nau aơ, [on lan ko\ kơl ueh ngăn drel rmôt tahen [ư jêh nau mât nkualn’har bri. Kơp tât rnôk aơ, le\ 5 thôn, [on, đah rlau 600 nu\ih ta xã Ia Mơr ho\ ton mra râng mât đăp mpăn nkuăl n’har bri bah neh dak tâm rnôk mhe. Bah nê, ndâk geh 5 rmổ mât njrăng nkuăl n’har bri. Knu\ng kơp êng năm 2017, ăp rmôt mât njrăng êng aơ ho\ mêt uănh 200 nar, mbơh nau kơl rklaih âk nu\ih ntu\ng ndơ, lơh rai nau đăp mpăn, nchuăn rdeng si tih dôih tâm nkuăl n’har bri. Thiếu tá Nguyễn Văn Quang, chính trị viên Đồn Biên phòng Ia Lốp ngơi:

‘Tâm ăp năm rlau aơ, ntu\k kan ho\ ndrel đah n’gâng kan ndrel [on lan tama nkuăl rgum nu\ih, n’hâm kơl an [on lan hun hao văng sa. Đồn biên phòng mro geh kơl an, pơk trong nơih bah n’gâng kan xã ndrel nau kơl an bah [on lan Ia Mơr. Đồn Biên phòng ndrel n’gâng kan ndrel kônh wa mro geh nau tâm boh ueh nâp”

Nau tâm boh ueh lăng, nâp nâl bah [on lan xã Ia Mơr ndrel Đồn Biên phòng Ia Lốp, N’gâng kan rđau tahen Biên phòng Gia Lai mô êng [ư ueh nau ơm ueh bah Tahen [on lan Viêjt Nam ma hôm lah ntu\k kơl an mât rnă njrăng ta nkuăl n’har bri Chư Prông, n’gor Gia Lai lơn ma nâp nâl”./.

Nu\ih rblang: H’Thi