Ta nhih pah kan Chính phủ, Groi Thủ tướng Chính phủ Hồ Quốc Dũng ƀư tơm rơh hop đah ăp Bộ, ăp n’gâng kan, ăp n’gor mpeh nô nău tĭng ƀư nău ntrŭnh mbrô 05 bah Thủ tướng Chính phủ mpeh nău ndăn ngăch rgum tơm ndơ ntrôl ngăch weh ƀư njêng bản đồ địa chính; đăng ký neh ntu; njêng hồ sơ địa chính n’hanh rdâk njêng ntŭk mât prăp nău lư gưl neh dak mpeh neh ntu.

Tĭng ƀư Nghị quyết 57 n’hanh Nghị quyết 79 bah Bộ chính trị, tâm bah ri aơ nơh, Bộ Nông nghiệp n’hanh Môi trường kan nsum đah Bộ Công an, ăp Bộ, ăp n’gâng kan, ăp n’gor nsrôih an ƀư, lôch jêh ntŭk mât prăp nău lư gưl neh dak mpeh neh ntu, lơn lah trong ƀư geh ndrŏng, ƀư kloh ntŭk mât prăp nău lư gưl neh dak mpeh neh ntu năm 2025. 34 n’gor nkual ƀon têh hŏ ăp kôp ntŭk mât prăp nău lư neh ntu nklăp 62,4 rkeh blah. Bộ Nông nghiệp n’hanh môi trường dôl kan nsum đah Bộ công an gay ăp kôp ntŭk mât prăk nău lư gưl neh dak mpeh neh ntu tâm ntŭk rgum mât prăp nău lư gưl neh dak. Yơn lah rnoh ngăch weh ntrŏng njêng bản đồ địa chính, hồ sơ địa chính, rdâk njêng, wat jêh ntŭk mât prăp nău lư gưl neh dak mpeh neh ntu hôm mbrơi, mô hŏ tŏng an nău ŭch geh tâm nô nău mhe. Lah rjăp aơ lah nău kan jêr yor ntŭk mât prăp nău lư neh ntu rgoh n’gơ mbro, Groi Thủ tướng Chính phủ Hồ Quốc Dũng dăn đă ăp Bộ, ăp n’gâng kan, ăp n’gor ân pah kan lĕ n’hâm suan đah nuih n’hâm 6 kloh, rdâk njêng rnoh ngăch na nê̆, dơn kan kêng dŭt năm ân wat jêh ntŭk mât prăp nău lư gưl neh dak mpeh neh ntu.