Mpôl pah kan hăn uănh âk nău nchrăp ƀư ta njok trong Độc Lập n’hanh nkual kiău ma kơt ăp lôk neh tăch rgâl, nău rhŏ, pâl nđaih; rkum khách sạn, resort; nkual ƀon têh rgum n’hanh nkual pâl nđaih têh. Jêh uănh nđôi an saơ, dŭt âk nău nchrăp ƀư kol samƀŭt neh, dăp rgum, ntuh kơl, jêng ƀư mbrơi jŏ, săk rnglăy dŏng neh mô âk.

Bí thư N’gor ủy lah rjăp, nu nău mbrơi mbơh ƀư dôl khuch tât na nê̆ ntŭk ntô ntuh kơl n’hanh nău rƀŏng hao jêng 2 rnoh mrô bah n’gor. Yor nê, ăp n’gâng kan, nău kan, ƀon lan an ndăn uănh tĭng nău nchrăp ƀư, năl kloh nkô̆ nău, trok dơn gay geh trong mkra na nê̆, lôch jêh; nkre đă nuĭh ntuh kơl ton ngăch ƀư, rgum tơm prăk, dêr an neh nsoih, mpŭng lir.