Ntoh ngơi ta rơh rƀŭn nchră, Kruanh Quốc hội khoá 15 lah du nău kan geh âk nău jêr jŏt, ntul rlong ta năp nău tât bâh nuh srê COVID 19, lam ntur neh geh âk nău rgâl, tâm dak geh dak bŭk, ƀư nău kan dơh  ngăch nău kan ngih dak. Tâm rnôk nĕ, Quốc hội lĕ nsrôih, nâp jăp ƀư tĭng trong kan, nău ntrŭnh, nău kơl bâh Đảng, pháp luật bâh Ngih dak đah rnoh nău kan dŭt âk. Geh rnôk Quốc hội lĕ pah kan lĕ măng nar, kan nđâp ma nar prao, nar pơh kơl an nău kan ƀư dơh ngăch, leo kan, săk rnglăy, nău tam, nău dơi...Kruanh Quốc hội Trần Thanh Mẫn rnê ăp nău dơi geh tâm năm 2025 lah êng n’hanh lĕ năm kan Quốc hội khoá 15. Rgŏ jă nău kan tâm rlong tâm let năp tay, Kruanh Quốc hội an lah, năm kan Quốc hôị khoá 16 dŭt jâk ngăn, an geh rgâl mhe nău mĭn kan rdâk njêng pháp luật, ƀư tĭng ăp nău ntrŭnh, ăp nău nglôch lôch bâh n’gâng kan chính trị, Ban Bí thư, gay ma nău wăng sa, rêh jêng hun hao, mât đăp mpăn rnă njrăng ngih dak, rdâk njêng trong kan chính trị. Nkô̆ mpŏng kan nglâ̆ dŭt lah n’hao nău rêh ndơ dŏng n’hanh nău mĭn bâh ƀon lan.