Ôi 5/5, ta n’gor Tây Ninh, Quân ủy Trung ương, N’gâng kan mât njrăng bri ƀư an rup Hồ Chí Minh n’hanh an bằng khen bah Kruanh N’gâng kan mât njrăng bri dak an ăp rmôt, êng nuĭh geh âk nău kan uĕh ngăn tâm trong kan săch đại biểu Quốc hội khóa 16 n’hanh HĐND ăp gưl năm kan 2026-2031.

Râng n’hanh ntoh ngơi ta nar ƀư, Đại tướng Nguyễn Trọng Nghĩa Ủy viên Bộ Chính trị, Chủ nhiệm Tổng cục Chính trị Tahen ƀon lan Việt Nam lah rjăp, nău an rup Wa Hồ geh nău khlay chính trị, nău mĭn n’hanh nău rêh uĕh ngăn, nkah ntĭnh cán bộ, đảng viên mô rlu nti n’hanh ƀư tĭng nău kan bah Wa. Đại tướng nkoch nău ryơk ta năp nău nsing nơm bah nuĭh ƀon lan rnôk dơi săch ƀư đại biểu Quốc hội khóa 16, nkre mĭn lah mbra nsrôih tay mâp nâp janh dăng chính trị, dăch ƀon lan, djăt nău rgop ƀon lan. Wa đă đŏng n’gor Tây Ninh ntrôl dăng nti n’hanh ƀư tĭng Wa, ndâk njêng rmôt cán bộ “nkre di, nkre blău”, n’hao tâm rnglăp tahen-ƀon lan, rgop mât nâp đăp mpăn n’hanh hun hao lĕ rngôch ƀon lan