Nar 6/5, ta thủ đô New Delhi, lôch wơt Gưl ngih dak dơi ƀư rgum tĭng nău way dŭt têh an kruanh mât bôk neh dak, Tổng Bí thư, Kruanh dak Tô Lâm hŏ tâm nchră đah Thủ tướng Ấn Độ Narendra Modi. Bar kruanh rđău kan mpơl nău rhơn bah năp ăp njuat hun hao dăng bah tâm boh Việt Nam - Ấn Độ lôch 10 năm njêng tâm boh têh jong lam lĕ rngôch. Bar ding tâm ban ŭch âk trong rƀŏng gay ƀư jru hvi tay tâm boh ta ăp trong kan. Tâm nê, tâm boh njrăng n’gang neh dak- rnă njrăng dơi ntrŏng lah n’gâng tơm khlay.

Mpeh wăng sa, tăch rgâl n’hanh ntuh kơl, bar dak tâm ban  ŭch njêng đăt ndal tâm rêng pă an tơm ndơ tăch, rêng rnoh  khlay lam ntŭr neh tĭng trong rƀŏng ndrel geh nău dơi. Tổng Bí thư, Kruanh dak Tô Lâm lah rjăp Việt Nam mbra rvăt n’glăp âk ndơ bah Ấn Độ, nkre dăn đă mpeh Ấn Độ tĭng kơn droh rklaih ăp quy định di rnoh đah ndơ tăch Việt Nam. Bar ding tâm ban ŭch sŏk khoa học - công nghệ, rgâl blău ƀư mhe n’hanh rgâl mbrô ƀư suan ntrôl an rơh hun hao bah tâm boh bar ding.