Ôi 6/5, Ban Thường vụ Tỉnh ủy Dak Lak hop an nău rgop mpeh tĭng ƀư rnoh tât hun hao wăng sa bar mbrô lvang năm 2026–2030, rgum ƀư wat jêh trong tor luh hun hao, droh rklaih kô̆ yơn kol khan ntuh kơl, siƀŭt kan n’hanh đă ntrơn du. Dak Lak n’gluh rnoh tât ntơm bah aơ tât lĕ năm, GRDP (rnoh khlay lĕ rngôch ndơ geh ƀư bah n’gor) tât rlău 152 rbăn rmen prăk, hun hao ntơm bah 10,64% let lơ.

Lah ta rnôk rđău đă, Bí thư Tỉnh ủy Dak Lak Lương Nguyễn Minh Triết đă tĭng jăp trong ƀư, n’hao săk tam trong tor luh hun hao, ntrôl ngăch rgâl dơh glêh siƀŭt kan, rhuăt glêh mông nar ƀư siƀŭt, lơn lah tâm trong kan neh ntu; nkre đă njêng “rmôt way kan mha êng” đă ntrơn du. Kruanh UBND n’gor Dak Lak Đỗ Hữu Huy an gĭt n’gor  hŏ an ƀư âk trong nkra ntop kơl nuĭh ntuh kơl, yơn ăp kô̆ yơn kol khan mpeh ntuh kơl, đă ntrơn du n’hanh siƀŭt neh ntu nha hôm ân rgum droh rklaih lĕ n’hâm suan đŏng.