Mhe lôch sa tết, nău rngot klâng kh^t yot nkrum lam [on Plei Blang Ngoăy, xã Ia Dêr, nkuâl Ia Grai, n’gor Gia Lai yor nău roh ndal bah 3 kon se jê|, nchơm ma 8 tât 9 năm deh; nê lah mon Ksor Lực, Puih Khưn n’hanh Pu^h Phơn. Lơn ma rngot klâng lơn đo\ng, 3 mon jê| nu^h Jrai dja lah oh nô kon kônh kon wa, gu\ tâm dăch nsum n’hanh kh^t nsum tâm n’glău dak dăch kêng jay da dê đo\ng. Nkre ma yô| nđach me bơ\ rnăk wâl, lơn ma wơl wơh, yor h^l ma hăn kan lo\ mir jêng mô nkah na nê| mpeh ăp nău tât bah dak me, dak n’glău wa\r jêng jay he lơh. Wa Rơ Com Hunh, wa [ong bar hê mon Puih Khưn n’hanh Puih Phơn rngot lah:

            “Rnăk mpôl hên dôl ma geh nău rngot, nkre roh mon geh rmok dak, mpôl hên du\t wơl wơh yor h^l ma kan mir ba, mô njrăng tât oh mon jêng le\ an geh nău rngot klâng. Lôch rơh dja, mpôl hên mpo\ng u\ch ăp me bơ\, u che ân way njrăng uănh tât oh mon n’hanh nkah oh mon na nê| lơn. Lôch nău dja, jêh aơ tay ân g^t njrăng đê|, lơn lah đah ăp rnăk dăch kêng dak n’glău ân n’gar wa\r n’glău, mô an kon se tâm [on lăp re gay der bah klach rvê”.

Aơ mô di lah lor bôk năm [on Plei blang ngoăy uănh saơ nău rngot klâng kh^t yot yor rmok dak. Dơn đah a[aơ du năm dơm, khay wai năm 2013, [on lan tă geh ndrât ndal, yô| nđach rnôk geh du rơh kh^t rmok dak tâm ban kơt bah lơ nê đo\ng, [ư 3 mon jê| kh^t tâm n’glău dăch kêng jay. Hôm đah xã Ia Dêr, nkuâl Ia Grai, aơ lah năm tâl pe mbro geh ăp tơ\ kh^t rmok dak yô| nđach đah 8 mon jê| kh^t.

            Nău uănh lhơ bah ăp me bơ\, nău kon se mô g^t njrăng rmok dak, ndrel đah nău mô đăp mpăn ta ăp n’glău dak, dơi ntro\ng năl lah nkô| [ư jêng tât ăp rơh kh^t rmok dak yô| nđach ta xã Ia Dêr. Wa Puih Alốt, cán bộ y tế xã Ia Dêr, nkuâl Ia Grai, n’gor Gia Lai an g^t:

            “Bar pe năm aơ lah kh^t mbro  tă bah ăp kon se u\m n’glău bu to\ cà phê. Săk gâp nơm [ư mpeh nhih dak si xã đo\ng ri gâp le\ nkoch trêng an kônh wa âk hôm lôch nê lah me bơ\ hăn luh mir ngai mô mât njrăng oh kon jêng he [ư n’glău ri he ân n’gar wa\r kiău ma ma jal mô lah tanh ma ngâr nkar gay nking nchăng kon se lăp u\m kh^t yô| nđach”.

            T^ng nchih rgum bah Sở Lao động Thương binh n’hanh Xã hội n’gor Gia Lai, tâm bar pe năm aơ, lam n’gor le\ geh bar pe jât tơ\ kh^t rmok dak, [ư 35 kon se kh^t. Le\ rngôch ăp tơ\ kh^t rmok dak geh tâm khay wai da dê, rnôk kon se rlu nti, tâm jă hăn u\m dak me dak n’glău. Bol ma ăp năm, ăp n’gâng kan dơi kan ta n’gor Gia Lai geh bôk nău kan njrăng n’gang kon se kh^t rmok dak đo\ng, yơn du\t đêt geh [ư ngăn ngăn. Ta n’gor mô ho\ geh n’glău nti re bah nghih dak, nchơm ma geh bar pe n’glău nti re pơk êng ta nkual [on têh Pleiku dơm. Jêng, nău nti blău re an kon se mâp âk jêr jo\t; du đêt ntu\k kan nsum mpôl, nhih nti dơn nt^m nti an kon se re ta ntu\k dak thơl dơm! Wa Nguyễn Ngọc Hải- Kruanh phòng Mât njrăng kon se, Sở Lao động- Thương Binh n’hanh Xã hội n’gor Gia Lai an g^t:

            “A[aơ ri mô geh ntu\k nt^m nti re an kon se. Hôm bộ môn re bah Sở Văn hoá Thể thao Du lịch tâm ăp năm rlău aơ ntlơi dơm đo\ng mô geh tâm ăp bôk nău kan nt^m nti. Aơ lah nău rvê bah ăp n’gâng kan, lơn lah Sở Lao động Thương Binh n’hanh Xã hội. Tâm let năp aơ tay, mpôl hên mbra mbơh kơl tay an kruanh rđău kan sở, tâm ban kơt kan nsum đah ăp n’gâng kan nkoch trêng, ntrôl dăng ăp nău kan na nê| lơn đo\ng, gay ma kơl kon se geh nău g^t êng gay njrăng der rmok dak, lơn lah tâm rnôk khay rlu nti bơi tât aơ tay”.

            Mô geh n’glău re, hôm đêt ntu\k pâl an kon se đo\ng, jêng djăt ma tâm khay wai, lơn lah tâm rnôk khay rlu nti, kon se tâm jă hăn u\m ta ăp dak me dak n’glău tâm rnôk mô ho\ lăng g^t blău re. Nê lah nkô| [ư jêng geh tât ăp rơh kon se kh^t rmok dak rngot klâng ta n’gor Gia Lai geh mbro. A[aơ dôl lah rnôk khay wai, kon se bơi tât khay rlu nti, ăp me bơ\ n’hanh n’gâng kan dơi kan bah n’gor Gia Lai ân njrăng đă, mât njrăng oh kon lhăt gay der ăp nău kh^t rngot klâng./.