VOV4.M’nông: Tâm kêng du\t năm 2014, rnoh khlay cà phê rnglăy bôk năm 41 tât 42 rbăn prăk/kg, lah rnoh du\t khlay tâm âk năm rlơ\ aơ. Le\ rngôch ăp nu^h hăn rvăt n’hanh doanh nghiệp tăch rgâl cà phê ta Gia Lai an lah, cà phê mô ju\r geh, jêng rnoh khlay hao da dê. Jêng nu^h hăn rvăt, doanh nghiệp, mô dơn nê le\ ma nu^h tăm cà phê u\ch ntêm da dê, kâp rnoh hao khlay đo\ng. Yơn lah, rnoh khlay dja dơn mât jo\ n’gul khay dơm,, lôch nê hu\ch mbro an tât a[aơ.

            Manh ngân hàng 3 rmen prăk gay rvăt ntêm cà phê bôk năm đah rnoh khlay 41 rbăn prăk/kg, a[aơ dôl geh roh 3 rkeh 500 rbăn prăk/tấn, wa Nguyễn Quang Hiệp, du hê nu^h rvăt ta tổ 9, phường Thắng Lợi, nkual [on têh Pleiku pha lah ma mât ntêm tâm kho, kâp geh nău lap dơm. Wa Nguyễn Quang Hiệp lah:

            “Uănh nsum ntu\k tăch rgâl ri mô geh nu^h dơi nchroh. Năm aơ rnoh khlay ju\r du\t ngăch n’hanh păng dâk du\t jo\. Bôk năm khlay, bu hăn rvăt ntêm kâp rnoh khlay hao, tât a[aơ rnoh khlay lơn ma ju\r thuk tay đo\ng, tăch ri roh huach âk, jêng ân kâp păng hao rnoh khlay gay ma so\k tay tơm prăk rvăt. Rnoh khlay dôl ma du\t ju\r thuk, hôm dăch kêng tât khay klêh play đo\ng, jêng ntu\k gâp rvăt tăch tât ntu\k nê, mô geh ntêm, sa tâm l^n lơ rnoh khlay dơm”.

            Rnoh khlay cà phê rnglăy hu\ch mbro, đah rnoh hu\ch a[aơ ntrôl âk doanh nghiệp tăch rgâl ndơ tuch tăm ta Gia Lai lăp tăch ri n’huach, ma mât ri roh huach. Tâm bôk năm, gay geh tơm prăk rgum rvăt, âk doanh nghiệp sơch trong ký njuăl hang rhiăng tấn cà phê ta ăp công ty rvăt ndơ tuch tăm dak bah dih. Lôch an njuăl du\t jo\ 3 khay, bol ma u\ch mô lah mô, doanh nghiệp ân tăch ma công ty đah rnoh thuk lơn ntu\k tăch bah dih nklăp 2 rkeh prăk/tấn. Nkhêp, le\ rngôch rnoh khlay ndơ ký njuăl geh ma nău ju\r thuk ta nâm rnoh prăk đor lor bah công ty, ri păng nt^l êng rnoh khlay, bol ma mô ho\ tât nar ton 3 khay.

            Đah trong [ư nt^l êng rnoh khlay dja, Công ty TNHH MTV Thanh Phát Phú ta xã Biển Hồ, nkual [on têh Pleiku le\ geh roh huach dơm rlău 1 rmen prăk an rlău 100 tấn cà phê ký njuăl. Rlău 200 tấn cà phê tâm kho bah doanh nghiệp dja pha lah ma gu\ dâk gâng kâp rnoh khlay hao dơm. Wa Nguyễn Thị Thanh Thuỳ, Groi Giám đốc công ty Thanh Phát Phú lah:

            “Bôk năm rvăt rnoh khlay 41 rbăn 500 rêl prăk/kg njuăl ta nê ( ta kho bah công ty têh), đor lor prăk rvăt, tât a[aơ 3 khay le\ nar ton, công ty fix êng ndơ (nt^l rnoh khlay), tăch geh 34 tât 35 rbăn prăk/kg, mô geh tăch khlay kơt bah dih ôh. Njuăl ta bu, pha lah ma tăch dơm, mô tăch lah mô blău. cà phê ju\r thuk, a[aơ roh huach rnoh khlay, lôch nê roh huach deh prăk kon ngân hàng đo\ng. a[aơ rnoh âk ndơ tâm kho, he kâp chăm, nt^t kơt roh du gâl ri he tăch, lah roh âk ir ri an ntêm tay dơm, tât năm bah kơi tay hao ri tăch”.

            A[aơ rnoh khlay cà phê rnglăy tăch ta Luân Đôn, ntu\k dơi uănh lah ntu\k tăch rgâl cà phê lam ntu\r neh way ta nâm 1 rbăn 700 đôlar/tấn, thuk rlău đah năm e nơh, hôm geh nău tât rmoh rman ru\ hôch đo\ng tă bah rnoh khlay ju\r thuk mbro. Jêng, ăp doanh nghiệp way tăch n’gluh cà phê kơt Công ty  Gia Lai, công ty cà phê Tây Nguyên…mô hôm gơih nđơr đah ntu\k tăch rgâl lam ntu\r neh, dơn tăch rgâl cà phê tâm dak dơm.

            T^ng nchih rgum bah Sở Công thương Gia Lai, a[aơ lam n’gor dơn hôm 4 công ty têh tăch n’gluh cà phê dơm. 6 khay bôk năm 2015, le\ rngôch rnoh cà phê tăch n’gluh bah le\ 4 doanh nghiệp dja nchơm ma geh 74 rbăn tấn dơm, mô ho\ dah du n’gul ndrel đah khay dja năm e nơh. T^ng nê rnoh khlay tăch n’gluh cà phê lam n’gor hu\ch 60% rđ^l ndrel đah khay dja, têk nkre đah le\ rngôch geh tăch n’gluh lam n’gor 6 khay bôk năm hu\ch rlău du n’gul rđ^l đah n’gul bôk năm 2014. wa Nguyễn Tấn Lực, Kruanh phòng mât uănh tăch n’gluh n’hanh Thương mại điện tử, Sở Công thương n’gor Gia Lai lah:

            “Rnoh khlay cà phê kơt a[aơ lah ăp doanh nghiệp tăch rgâl cà phê du\t jêr jo\t tâm nău kan [ư njêng, tăch rgâl, joi ntu\k tăch rgâl tâm ban kơt mât nâp ăp ntu\k tăch rgâl le\ ơm geh bah ri aơ nơh. cà phê lah ngoăy tâm ăp ndơ tăch n’gluh tơm bah n’gor. Ta rnôk dơh ue\h, tăch n’gluh cà phê âk ntơm bah 75 tât 80% le\ rngôch geh ndơ tăch n’gluh nsum bah lam n’gor. Jêng nău hu\ch hao rnoh khlay bah cà phê le\ tâm pă chrai âk trong nchrăp tăch n’gluh bah n’gor, khuch tât trong nchrăp tăch n’gluh ăp năm tâm ban kơt trong nchrăp tăch n’gluh bah n’gor jo\ jong let năp aơ tay đo\ng”.

            Hôm nklăp 4 khay tay đo\ng, khay klêh cà phê 2014- 2015 mbra tât, le\ rngôch ăp doanh nghiệp hôm ntêm cà phê ta Gia Lai tu\p tâm nău m[ơk lêng, kâp nău lap rnoh khlay plơ\ hao tay ta kêng du\t năm. Yơn lah, đah nău hu\ch hao jêr nchroh lor bah cà phê năm aơ, nău dja geh ma nău roh huach âk an doanh nghiệp. Aơ lah rnôk, n’gâng kan geh tât nău kan tâm n’gor ân ndơ\ luh nău lư mbơh njrăng lor, mpơl nău khlay kan r[o\ng trong bah he, rgop kơl doanh nghiệp luh bah nău jêr jo\t./.

Nu^h rblang: Điểu Thân