VOV4.Mnông – Ký túc xá Khoa Y-Ngih sam [u\t Đại học Tây Nguyên dơi rdâk [ư tâm nkual [on lan gu\, ta tổ dân phố 12, phường Tân Thành, nkual [on têh Buôn Ma Thuột, n’gor Dak Lak. Jay du\t têh, đah 2 rot jay 5 dăp, 120 jrô, gay to\ng ntu\k gu\ an nklăp 1000 sinh viên. Yơn lah, yor rdâk [ư ngai ngih sam [u\t, mô geh ăp ndơ do\ng êng, mô dơh an nău hăn nsong, gu\ âm n’hanh nti nsơm, pâl rlưn; manh jrô khlay prăk, tâm rnôk ndơ do\ng mô ueh jêng du\t đêt sinh viên tât gu\; mô lah gu\ đêt khay jêh ne\ ntlơi.

Wa Nguyễn Văn Cương-Kruanh ntu\k kan rhăk do\ng an Kon se nti-sinh viên, Ngih sam [u\t Đại học Tây Nguyên an g^t, bol le\ njuăl sam [u\t mbơh tât le\ rngôch kon se nti-sinh viên ăp ngih sam [u\t cao đẳng, trung cấp chuyên nghiệp ta lam nkual [on têh Buôn Ma Thuột, yơn rnoh nu\ih tât manh jrô gu\ ký túc xá Khoa Y du\t đêt. Nkô| nău lah yor jay aơ mô tâm di ăp nău u\ch do\ng bah sinh viên; mô geh jrô gu\ âm nsum gay rgum r[u\n, nti nsơm; mô geh ăp ndơ do\ng kơt căng tin, jay an ndeh, nkual pâl rlưn… wa Nguyễn Văn Cương geh nău ji nuih mpeh nău mô tâm di bah jay aơ.

Ký túc xá Khoa y rdâk [ư ta ntu\k du\t ngai ngih sam [u\t, ndeh hăn nsong mô geh, mô geh nu nău do\ng ta ne\; du\t âk lah an ăp nu\ih cán bộ, kon se nti ta ngih sam [u\t êng manh, nău ne\ du\t lah mô tâm di. Bôk năp khân jêh rdâk [ư ndơ do\ng m’ăk m’er, jao an mpôl hên ri mpôl hên an nu\ih lăp gu\, knu\ng [ư kan mât njrăng tâm năm du\t jông. Bah kơi aơ geh tay điện, dak mơ dơi an lăp gu\”.

            T^ng ve\ nkra, jay gay tâm di nău u\ch ntu\k gu\ an nklăp 1000 sinh viên, yơn a[aơ du\t âk an cán bộ dôl pah kan ta nkual [on têh Buôn Ma Thuột. Tâm rnoh 265 nu\ih dôl gu\ ta aơ, geh knu\ng 112 nu\ih lah sinh viên, hôm [a [a\ lah cán bộ bah Ngih sam [u\t Đại học Tây Nguyên n’hanh du đêt ntu\k pah kan êng. Du\t âk cán bộ manh jrô gu\ ta aơ leo n’ăp rnăk wâl lăp rêh nsum, n’hanh le\ rgâl êng ndoh ndơ tâm jrô gu\, ntu\k gu\ nsum jêng jay u\nh, so\k [at n’hanh tôl nking sial bah kơi, ndrăng ntop tay cáp, [ư nkual ký túc xá lơ pêng, rdja. Tâm rnôk ne\, du\t âk nsưng 2 dăp, tủ loih dơi rwa\t gay an sinh viên do\ng mô dơi do\ng, dăp bun bah dih n’hanh tâm dâng ntung, le\ ntơm o.

Mhe an do\ng 3 năm yơn uănh bah dih bah nkual ký túc xá aơ le\ pêng rdja, tâm trôm ri [ơ\ [ơi, saơ nău ju\r djơh hô. Njok ndring jay, du đêt ntu\k, gạch men le\ plôk chah. Âk jay u\m, jay ăch chrach n’hanh nkual jay u\nh, le\ rluh, dak luh lêng lang; mpir jay lo\ o, bu\t biăp pu\, v^l pêng; gạch jay le\ plôk trôm. Wa Nguyễn Văn Lan-Cán bộ mât uănh ta aơ an g^t:

"Ta aơ le\ kơp rnoh jrô djơh hôm, bôk năp lah ăp jay u\nh le\ plôk gạch men, chah gạch men ri dak luh bah dâng. Jay ngoay aơ geh 60 jrô, yơn nklăp 20 jrô ju\r djơh, hôm jay 2 ri chor ntưm nđik le\ rlâm ta du đêt jrô, jrô  jay u\m chor ntưm nhựa lah le\ rluh. Jrô lăp âk ngăn, jrô ăch chrach hăn ri bu djot du\, yor dak truh tă bah lơ. Bu lah âk ngăn yor ngih wâl le\ ju\r djơh”.

Oh Đặng Hồng Tín, sinh viên khoa Y, Ngih sam [u\t Đại học Tây Nguyên, [on tơm Quảng Ngãi ndrel 2 nu\ih êng manh jrô gu\ ta aơ an g^t, 3 khay ndơ\ rlău 2 rkeh prăk yơn gu\ âm mô đăp mpăn yor truh dak. Dôl tâm yan wai hô, yơn tâm jrô gu\ bah ký túc xá aơ, dak hôm e truh, lir lar n’ăp jay u\nh, jay ăch chrach n’hanh jrô u\nh. Oh Đặng Hồng Tín lah:

“Jrô oh geh nău mô ueh, ne\ lah pơng way truh dak; ăp nar dơ mro, bêng ri hăn nkhu\t. Du nar bêng xô ne\ đo\ng ? geh rlău, rlău du xô! Tâm jrô u\m, tâm jay ăch cho dak truh kơt ne\ đo\ng. Hăn ăch cho, hăn u\m mô lah rao rlu\ ngan ri păng hôm e truh kơt ne\, du\t mô ueh”.

T^ng Ban mât uănh nău nchrăp rdâk [ư-Ngih sam [u\t Đại học Tây Nguyên, nău mô tâm di bah jay ký túc xá Khoa Y le\ saơ bah rnôk ntơm rdâk [ư. Năm 2009, đah nu\ih [ư ndranh ntuh kơl, kruanh ngih sam [u\t Đại học Tây Nguyên râng r[u\n ndrel ăp N’gâng kan rdâk [ư n’hanh ntoh măt UBND n’gor Dak Lak gay mbơh [ư nău nchrăp [ư ký túc xá. Geh âk nău rgop dăn đă ntu\k rdâk [ư ký túc xá Khoa Y tâm trôm ngih sam [u\t Đại học Tây Nguyên, nkre tâm di ăp nău u\ch nti nsơm, gu\ âm n’hanh hăn nsong an sinh viên, nkre nơih tâm trong kan mât uănh, yơn mô dơi u\ch djăt. Wa Nguyễn Tấn Vui-Hiệu trưởng Ngih sam [u\t Đại học Tây Nguyên an g^t, nău rgop an ntru\nh bah ngih sam [u\t rnôk ne\ lah yor nu\ih nsing nơm (wa Nguyễn Xuân Thao), yơn tât rnôk dơn jay, ri pơng an dơn nău geh. Năm 2012, bôl le\ dơi so\k dơn, jao an, yơn mô ho\ dơi ndơ\ ký túc xá an do\ng, yor mô geh điện, mô geh dak do\ng, mô geh trong nkhu\t dak [ơ\ n’hanh mô geh jay ndeh. Nu\ih [on lan ta ntu\k le\ âk tơ\ lah tât Hội đồng [on lan ăp gưl ta n’gor Dak Lak mpeh nu nău n’hôl [ô ntu\k ntô gu\ âm n’hanh nău mpu\ng lir bah jay ký túc xá Khoa Y. Yor ne\, Ngih sam [u\t Đại học Tây Nguyên manh tơm prăk gay ntuh kơl tay, mkra ueh nu nău. Tât a[aơ, ngih sam [u\t hôm e rnon ăp ntu\k kan rdâk [ư rlău 3 rmen prăk yor ăp prăk ntop tay ndơ [ư êng, mô ho\ g^t ding dơi trok. Wa Nguyễn Tấn Vui lah:

“Nău ntuh kơl ndâk [ư bôk năp ri mpôl hên geh r[u\n n’hanh dăn đă an [ư tâm aơ, yor tâm aơ hôm e neh, rgum ký túc xá, hôm ta ne\ ri ngai, yơn n’gor mô u\ch, n’gor đă [ư tâm ne\. Rnôk jêh rdâk [ư, so\k jay yơn mô ndơ\ an do\ng. Yor du đêt ndơ [ư mô ho\ jêh; mô geh điện, mô geh dak, mô geh ntu\k jăng ndơ, dak [ơ\. Yor r^, rnôk gâp hăn pah kan đah hiệu trưởng, jêng an do\ng tơm prăk bah ngih sam [u\t gay ntuh kơl [ư tay, na nê| kho bạc knu\ng an manh mô di an trok, yor tih n’gâng tơm an prăk. Yor r^ a[aơ hôm e rnon ngih sam [u\t hôm rnon đah B, 3 rmen prăk ne\ ri [ư manh dơm, rnon mô dơi trok”.

Du mlâm jay do\ng an bơi 1000 nu\ih gu\, ta nklang nkual [on têh Buôn Ma Thuột (nkual [on têh loại I ta n’gor Dak Lak), yơn mô geh điện, mô geh dak, mô geh trong mkra dak [ơ\, ndơ njo\k, mô geh jay an ndeh…. Ma hôm e dơi so\k do\ng, jao an ntu\k do\ng. Rlău 35 rmen prăk bah tơm prăk Trái phiếu Chính phủ ntuh kơl an kon se nti-sinh viên, nu\ih jêr jo\t đah jay gu\, yơn a[aơ du\t âk lah an ăp rnăk cán bộ ta nkual [on têh Buôn Ma Thuột. Bôl mhe do\ng mô ho\ tât 1/3 rnoh jrô đah rnoh ê nkra, n’hanh knu\ng mhe do\ng đêt năm, jay le\ nga\ch ju\r djơh hô. Nău mpu\ng lir aơ nu\ih mpeh trok nău aơ ?

                                                                        BTV: Y Sưng