VOV4.M’nông : Nar 1/7, wa Vũ Xuân Đính, gu\ ta xã Chư Ty, nkuăl Đức Cơ, n’gor Gia Lai leo kon hăn thi THPT ta nkuăl [on têh Plei Ku, ho\ mô năn njrăng tu\p tă bah ngih prêh 2 tăp n’hanh rmanh n’hanh geh leo tât Ngih dak si Quân y 211 gay săm. Ti\ng nau dak si Trần Xuân Lợi, Kruanh khoa Chấn thương-chỉnh hình Ngih dak si 211, nu\ih ji lăp tâm ngih dak si rnôk dôl luh mham tôr, geh rmanh tâm kleng ma n’hanh jâng ma, tang ntơh đah ma. Nau klih CT ân saơ, wa Đính le\ chah nting đah bom ma, jong nklăp 4cm, dôl geh săm đah nau rmanh tâm bôk rngok. Kon bah wa Đính lah oh Vũ Thị Hà u\ch lơi thi, yơn geh nau bonh bah nu\ih tâm rnăk vâl, oh tât ntu\k hti gay jêh nau thi môn bôk năp./.