VOV4.M’nông:  Rlău 30 năm deh, bác sĩ Trần Khánh Thu, Trưởng Khoa Dinh dưỡng, Nhih dak si n’gor Thái Bình lah nu^h du\t mom dơi ndơ\ an ndơ nkhôm rnê bu ur năm 2015. Mât nău ro\ng jêng bác sĩ ntơm bah jê|, tă bah u\ch ro\ng nău kan bah che n’hanh i mê| păng nơm, ntơm bah ăp nar hôm gu\ nti phổ thông, yuh Trần Khánh Thu le\ nsrôih gay thi lăp tâm nhih nti Đại học Y Thái Bình. Lôch hăn nti, yuh dơi sơch lăp kan ta nhih dak si n’gor Thái Bình bah năm 2008. Nău u\ch ro\ng jêng ngăn ngăn, yuh Khánh Thu way nsrôih kơt nti lôch jêh ue\h lăng ăp nău kan dơi giao. Bôk năm 2014, Nhih dak si njêng Khoa Dinh dưỡng, yuh dơi đă [ư kruanh khoa. Ta năp nău jêr jo\t mpeh nkô| nău ndơ sa kah an nu^h ji, yuh ndrel cán bộ viên chức tâm khoa way tâm rnglăp nsrôih, đăp mpăn rho\ geh bơi 2000 nu^h sa ăp nar; [ư phăt dơm ăp ndơ sa an nu^h ji ach o. bah meng nê, đah nuih n’hâm bah nu^h druh mom, yuh way lor râng ăp nău kan kơl nu^h n’hanh săk yuh nơm le\ rlău 30 tơ\ yur êng mham đo\ng. yuh Trần Khánh Thu nkoch:

            Ăp nău kan kơl nu^h du\t n’hâm khlay, mpôl hên mbra ndjôt nău g^t blău kan bah he n’hanh mbra s^t dăch dêh đah kônh wa. Âk nu^h rnôk mpôl hên s^t tât le\ nkoch mô ho\ tă dơi khám săm ji ta ăp nhih dak si n’gor đo\ng. đah nău kan yur mham ri mpôl hên saơ lôch ăp măng gu\ kan mô lah cấp cứu nu^h ji ri tơm mham gay pă an kơl nu^h ji du\t kroh mpêt đo\ng. Săk gâp nơm râng yur mham kơl rêh âk me deh tâm rnôk ji jru đo\ng. Aơ lah nău kan geh nkô| khlay dơi [on lan nchih nkah”.

            Ndơ nkhôm rnê bu ur Việt Nam mô dơn mpư rnê êng du hê nu^h geh rgop âk yor ma nău kan nsum mpôl ma hôm an ăp nsum mpôl geh âk nău m^n kan mhe ns^t ue\h an nhih pah kan n’hanh rêh jêng kon nu^h đo\ng. Ntoh lư lah mpôl cán bộ, hội viên Hội bu ur mpeh Hội sở Ngân hàng Thương mại quân đội. Tâm rnoh 22 trong nkra mhe an trong hun hao jo\ jong lvang năm 2010- 2015, 70% lah bah bu ur; le\ kơl ngân hàng mpêt nkrem nklăp 15 rmen prăk do\ng manh nu^h dak bah dih mbơh nti. Nt^t lah ăp ndơ [ư mhe: N’hao nkra ue\h tay nău way kan mât uănh rmoh rman; trong [ư weh rnoh tât rmoh rman, mbơh kơp uănh, trong lư mât uănh …n’hanh mbơh kơl an Ngân hàng ndơ\ luh ăp ndơ geh [ư dịch vụ an êng ma bu ur kơt: “Mpêt nkrem an kon”, ăp bôk nău kan an manh dơh tơm prăk ma bu ur ach o: Mbơh nti dơm trong pah kan jan sa tăch rgâl an bơi 2 rbăn bu ur; ntop kơl deh prăk kon manh năm bôk năp an 455 trong nchrăp kan bah bu ur, lơn âk lah mpeh trong kan tuch tăm [on lan. Yuh Nguyễn Thị Cẩm Phượng, Groi kruanh Hội bu ur Hội sở Ngân hàng quân đội an g^t: geh nău dơi nê du gâl lah tă bah ăp nău kan bah Hội bu ur le\ nkre đah oh yuh tâm nhih pah kan:

            “Rlău 60% oh yuh lah bu ur, geh Hội gay sinh hoạt lah nău khlay gay nkre tâm kơl nsum tâm pah kan n’hanh nkre tâm nkoch nsum tâm nău rêh. Đah nău Ban chấp hành [ư nău kan tâm di đah mông nar n’hanh u\ch ro\ng bah oh yuh ri nău dơi mât uănh u\ch t^ng mbra âk lơn. Đah oh yuh druh mom ri ngân hàng geh trong kan hun hao nău dơi kan gay ntop kơl oh yuh geh âk nău lư lơn gay geh tâm ban nău rêh n’hanh nău kan”.

            Nê lah 2 tâm rnoh 9 mpôl n’hanh 10 nu^h dơi geh ndơ\ an ndơ nkhôm rnê bu ur Việt Nam năm aơ dơm. Ăp nu^h geh nău dơi, nău rgop kan êng êng yơn ăp oh yuh lah nu^h ntoh lư leo lor trong kloh ang bah nuih n’hâm nsrôih mô rlu, klaih rlău ăp jêr jo\t tâm nău rêh gay pah kan g^t blău mhe, jêng ăp bu ur têh jêng n’hanh ntop kơl âk nu^h êng [a [a\ tâm [on lan klaih rlău ach o, geh nău rêh đăp mpăn, rhơn răm da dê. Wa Nguyễn Thị Minh Hương, Trưởng Ban Tuyên giáo Trung ương Hội Liên hiệp bu ur Việt Nam an g^t:

            “Săk blău năm aơ tâm ban rlău ăp năm da dê yơn năm aơ rnoh âk hồ sơ njuăl tât âk lơn đo\ng. Ndơ nkhôm rnê bu ur Việt Nam geh âk rnoh tât kan. Mpơl du\t têh nê lah nău rgop tâm trong kan chuyên môn bah khân păng ân ntoh lư n’hanh râng tâm ăp nău kan ntru\t ntrôl rgâl mhe bah bu ur, ăp nău kan tâm ban bu ur bu klô. Đah ăp mpôl ri ân lah mpôl kan geh âk nu^h bu ur bah 60% let lơ, ăp mpôl mha êng kơt công an, tahen ân geh bah 40% bu ur let lơ đo\ng. Rnôk hội đồng nkhôm rnê uănh an mpôl hên ân tâm rđ^l ăp mpôl n’hanh êng du hê nu^h gay ma sơch”.

            Ntơm bah năm 2003 tât năm 2015, ndơ nkhôm rnê bu ur Việt Nam le\ dơi pă an 55 mpôl n’hanh 104 nu^h bu ur ntoh lư tâm ăp trong kan bah nău rêh. Ndơ nkhôm rnê bu ur Việt Nam mô dơn lah nău nchih nkah, mpư rnê ăp bu ur Việt Nam klaih rlău ach o jêr jo\t tâm nău rêh, tâm nău kan ma hôm lah nsoan ntrôl gay ăp oh yuh nsrôih tay an ma rnăk wâl đo\ng lơn lah nău hun hao nsum bah lam nău rêh jêng kon nu^h. Ăp oh yuh lah nu^h ntoh lư an năl di nău khlay kan n’hanh ăp nău rgop têh kuâng bah bu ur tâm nău rêh mhe a[aơ đo\ng./.

Nu^h rblang: Điểu Thân