Dak Lak nsrôih jêh Nău kan 500 nar măng joi, năl săk tahen khĭt kăl e
Thứ sáu, 06:00, 31/07/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Ban Ntĭm rđău ƀư tĭng “Nău kan 500 nar măng ntrôl dăng joi, rgum n’hanh năl săk nting tahen khĭt kăl e” n’gor Dak Lak ƀư rƀŭn rơh bôk năp, tâm ban ŭch trong ƀư nău kan, tâm pă nău kan ăp druh ndăm n’hanh trong nchrăp ƀĭt joet nău kan ta lam n’gor.
N’gor Dak Lak geh 34 nghĩa trang liệt sĩ đah rlău 15.200 môch, tâm nĕ rlău 4.100 môch mô hŏ dơi năl geh nău mbơh n’hanh rlău 4.000 môch an sŏk nting mham uănh năl ADN. Ndrel đah trong kan sŏk mham ADN, n’gor lĕ năl 564 nkual geh nău mbơh môch tahen mô hŏ dơi rgum, đah rlău 6.000 môch an uănh năl tay.
Ăp rmôt kan lĕ hăn uănh ta 79 xă, phường, mkra rlău 90 nău mbơh n’hanh rgum geh 7 nting tahen khĭt kăl e. Ta Campuchia, yan wai mhe rlău, Đội K51 lĕ rgum geh 27 nting tahe khĭt kăl e. Aƀaơ Dak Lak dôl ndăn ntrôl ngăch nău kan geh geh rgum 180 nting tahen khĭt kăl e n’hanh jêh sŏk nting mham đah 4.019 môch tahen mô hŏ năl săk tâm năm 2026.
Viết bình luận